Pîroznameye Seydayê Cegerxwîn ji Mîr Dr. Kamîran Bedirxan re

  Ji ber giringiya gotinên seydayê Cegerxwîn, bi min xweş e ku vê pîroznameya wî, ya berî 75 salan ku bi helkeftina weşana rojnameya Roja Nû ji Mîr Dr. Kamîran Bedirxan re şandiye, ji we re raxînim ber çavan, fermo bixwînin:
Konê Reş
  “Mîrê mezinê mêran, xortê xurt zanayê Kurd Dr. Kamîran Alî Bedir-Xan! Hevalo! Di van rojan de Roja Nû, weke rojeke geş, tav û tîrêjên wê dane dîwarê me jî yê xortan. Çirûsk û ronahiya wê, leylana paşketin û bêhêviyê, ji ser dilê ciwanên kurdan hildane. Kela jiyana welêt ji kela mirinê gîhande delavê serbestiyê.

Bûka xweşxwan û nivîsaran xemiland bi qumaşê evîn û zanistiyê. Pira nejadperestî bi topên baweriyê daweziran û di tangê dilxwşiyê de afirand. Ji wî riya wa a dûr bi hezaran kîlomêtir şose kir û derê bajarê armanca me, li me vekir. Xwedê te û roja te bi rûkî spî û jineke dirêj ji kurdan re bihêle. Ji ber xortan ve, roja te pîroz be”.
CEGERXWÎN
  Di rojnameya Roja Nû, hejmara: 10an, 5`ê tîrmeha 1943`an de belav bûye.