Mehmûd Biro
Serê çend salaye kû gelê me li rojavayî kurdistanê serî hildaye û gotina xwe daye, êdî bese jibo zordarîyê, û belê jibo azadîyê û jiyana birûmet.
Jina kurd navê wê li cîhanê belav bû bi qehremanî, herwha şervanê kurd. Ewan istora Daişê hilweşandin, û bidehan gund û bajarên kurdan rizgarkirin û parastin ji êrîşên hovane yê terorîstan.
Dema ku Bûka rojavayî kurdistanê kete bin êrîşên dewleta tirk de, rêberên Pkk liqendîlê zirtên xwe dikirin û digotin: Ger Turkyê bikevê Efrînê emê agir bi Enqera û Stembolê bixin, yanjî digotin wê Efrîn bibê Stalîngrad.
Piştî vêqasê rêberên qendîlê li zirtên xwe xwedî derneketin.
Zêdetir jiwêjî ji sedhezaran re yên kû jimalên xwe bazdane dibêjin nevegerin malên xwe.
Wata ev ne canfidane û ne wefadarin, ne jibo gel û ne jibo xak û niştiman.
Lewma jî ez dibînim ku ew xort û keçên qehreman û aza û canfida ji ypg û ypj pêdivîya wan birêberatiyek wefadar û canfida ye.
Enks dikarê canfidabê û wefadarbê û li gelê xwe xwedî derkevê. Bizûtirîn wext derbasî nava Efrîn bibê, nivîsgihên xwe vekê û xizmeta xelkê bikê.
Her weha ewê ku şêre û wêreke û zanaye û canfidaye dinava ENKS ê de, divê ew rêberatiyê bikê û biryarên çarenûsî bistînê liser xaka Rojavayî Kurdistanê, ne li başûr û ne li Europa û ne li Turkyê.
Dost û dijmin û dagîrkeran jihevdû veqetînê û têkilyên diplomasî giştî û yên stratêcîk jihevdû naskbikê û bihostayî gêma siyasî bikê, ne bi sergermî.
Herweha hêzeke leşkerî niştimanî kurdistanî avabike ji pêşmerge û ji hezên din wek ypg/ ypj, yên ku behwermendbin bi têkoşîna netwî û bi xaka Rojavayî kurdistanê.
Heger Enks ê vê yekê nekê, ewjî wê bibê hevparê qirkirina gelê kurd li Efrînê û sertanserî Rojavayî kurdistanê.
Îro gok li Aliyê ENKS ê ye û divê golê serkeftinê bînê û wextê xwe winda nekê.
