Efrîn

Senar (Mûsa Qulîkî Mîlan)

Hezaran zeytûn kok birîn
Dîsa jî şitil hêşîn bûn

Hezaran çinar ser birîn
Cardin çiqilan şax vedan

Hezaran bîr miçiqandin
Dîsa kaniyan bilqvedan

Hezaran rê û dirb birîn
Cardin şiverê peyda bûn

Hezaran gund wêran kirin
Dîsa tax û kuçe şên bûn

Hezaran kes zindan kirin
Cardin Mezlûman berxwedan

Hezaran Ker, Kulik kuştin
Dîsa Dewrêşan ser hildan

Hezaran kes winda kirin
Cardin ew zatan nemir man

Hezaran dûrewar kirin
Dîsa ser welêt da firyan

Hezar Koban wêran kirin
Cardin bajarin ava bûn

Hezar Efrîn dorpêç kirin
Dîsa kember bûn qetiyan

Hezaran topbaran kirin
Cardin çiyan serbilin bûn

Hezaran istêr rijandin
Dîsa roj bûn ku hilhatin…

Lewra ku hezaran sal in
Dara me rîşe berdaye
Binê axa bav û kalan

Lewra ku rîşeya kevnar
Maqûliya xwe wergirtye
Ji kaniyên Gilgamêşan

16/03/2018