Barîn a Kûbanê

Narîn Omer

Barîn delala min
Te dastana evîniyê
di dilê kurd û cîhanê de
bi gul û kulîlk kir
Te şîrava mêbûniyê
di henasên jiyanê de
xweştir kir

Ewan ji tirs û sawa
dilê te yê kêfxweş û
canê te yê polat
cendikên te talan kirin
Kenê te
ew bê çare hiştin
Kenê te
Ew ji zemîna mirovaniyê
Koçber kirin
Navê wan li ser koka
hov û mirovxwaran tapo kirin
Dengê te
Banga hawarê ye
Ji gelê te re
Kû çawa diminên me yekin
Em jî divê bibin yek
Tu ji wan mezintirî
Tu ji wan bihêztirî
can vajîna kurdan.