ŞEVŞEVOKÊN REWISî

Hûn talan dikin
Hiş
Mejî
Ken
Hezkirin
û 
Rehên Dil ji kok ve radikin

hûn talan dikin
Welat
Milet
Dîrok
Hêvî 
daxwaz
û
têkilîyên Civakî di Çilê-çilde
li Aşê bêhişîyê dixînin hûrdikin û
li ber Bayekî Kur didêrin
erê…. 
hûn talan dikin
Zarok 
Raman
Zanîn
wargehan kavil dikin
û 
di Qulên Gornepaşan re
wan derbas dikin
di himbêza çewtiya xwede de
wan mîrat û Serad dikin
Pêximberên Zor û tariyêne hûn
ken cima Zivir dibin? 
goman çima bêjî dibin ?
Hestên Dayikan çima sert dibin ?
hûn talan dikin û
Hespê serxwebûnê Gem dikin
da ku şîhîna Azadiya Miletekî rêzgarkirî 
di guhên wede ne meye
kevz û çirava Hewqên we berebatiya meye
her tişt şelû û girik dibe
hûn di paş Perdan de xwedîbûne
erê…. 
hûn xwedîkirîne
hûn kedîkirîne 
bi Baskên kê difirin
hûn
ne pîrozin
ku em di Mizgeft û laleşên xwe de
Tizbiyên we liboo- libo berdin û 
di Hustên xwe xînin
hûn talan dikin
Kêlên Pakrewnan 
ne Bazbend û niviştên Dolarên wene
ne Qeymax û Hunguvê taştiyên wene
ne Mohra Rapotên Bazirganiyên wene 
ne Riyên çiv û livên Partiyên wene
Koseno..
Devê we di Alif û Cuherê kêdeye
Koleno…
Kêl kelehên Azadiyêne
hûn nikarin Miletekî destkêşî koletiyê bikin û 
bi Hûçkên şowreşê serkovendiya Dîlanê bikin
hûn Mişeqt û Culheçiyê kêne 
hûn
Dîwar û Sînorê kê serrast û bilind dikin
eger ku ne Sînor û Ala Kurdistaneke pîroz be
Em tu Sînor û Alan bilind nakin
Em tu Al û Sînoran ser rast û bilin nakin
bilin nakin.