Merwan BerekatDi berîkên vî çiyayê de xewnên dêpîran li ser
balgiyê keserê paldane, û di hemêza şikeftên Niyandirtalan de vedenga dîrokeke
dêrîn dilorîne….
balgiyê keserê paldane, û di hemêza şikeftên Niyandirtalan de vedenga dîrokeke
dêrîn dilorîne….
Siha xwedêwendên bê perestgeh li peravên kanî û
çeman çogvedane, û dengê Eştiyax di navbera erd û ezmên de, bi keserekê ve
aliqiye…
çeman çogvedane, û dengê Eştiyax di navbera erd û ezmên de, bi keserekê ve
aliqiye…
Di navika sirt û zinarên vî welatî de, kilkila
hêrsên Diyako ye, û hîrhîra hespên Alalaxiyan hîn ji guhên deryaya Sipî
dernehatine…
hêrsên Diyako ye, û hîrhîra hespên Alalaxiyan hîn ji guhên deryaya Sipî
dernehatine…
Li ser lêvên gelî û newalên ku pertavên rojê li xwe digerin, hêviyên Nazatiya çîk didin, û kila çavên Farona di bihna lale û kulîlkan de dadirive…
Li ber dawa çerx û felekê xeftanê serdeman bê bişkovk e, lêvên dîrokê hîn nizanên memikên rastiyê bi hêdî bimijin…
Şev serxweş dizêvire û tirqiyên rojê her sîleyên li ser çavên tariyê ne…
Birûskên şoreşa hebûnê ji pêdariya kurên rojê dijenin, û ewrên xapînok di paşela bizdonekiya xwe de dimiçiqin…
Belê, di hêlûn û landika vî çiyayî de, tevna jiyanê bi kirkûtê lehengiyê tê kutan, û rengên wê ji mirovperweriyê vedibrûsin..
Şîrove (0)