Li şûn warê evîna te

Li şûn warê evînate
Dilkî wêran û beyar
Payîzeke sitemkar
Di paytexta wî de
Rêberê xwe wenda kir
Awat û hêviyên wî
Hêdî hêdî diweşin
Bi hêlana sura bêre

Li şûn warê evînate
Dikî kevnar di nav mozxana
kul û derdade toz girtiye
çîrokeke xemgîn
bi hêsirên xunc û pişkojan
tên xwendin lê bi dengekî hêdî
ta dil bi agirê çîroka xwe bê sotin..
***    ***      ***
Li şûn warê evînate
Peyaleke dest ber jor
Li hêviya çend dilopa ye
Ji meya raxistî li ser lêva te
Ta serê xwe dagire
Û bibe mêvana dilê min
Û berê pêximberê ji nava xema
Bide navnîşaneke din…
***    ***      ***
Li şûn warê evînate
Revendekî li siya xwe digerim
di şeveke tarîde
ku heyvê xwe daye alî
û sitêran dest bi jimara xwe kirne
ta zanibin çend ji wan
hatine xwarê
dema tu bû leylan
***    ***      ***
Li şûn warê evînate
Navê te bû sitêra rojê
Û di ferhenga bêbextiyê de
Hate danîn û nebawerim
Ji îro pêve çav li navê te bigere
Him tu ji bîr dibe