DÎNO……!


Merwan Berekat

Dînoooo…!
Te ez jî…
       Dîn kirim
Na… na
Evînê…
     Serdana me kiriye.

Dînoooo…!
Eger hişyar bim
Yan jî…
Di xwe de bin
Ez bi xwe re dipeyivim
Ma rast ez jî
           Dîn bûme?
Na.. na
Ew derdê
      Evînê ye… evînê
Tu helbesta dil dixwînî
Min…
Zimanê çavên te
             Li ezber kiriye
Dînoooo….!
Perda sîngê min
Bi şev û roj
        Sema dike
Erê… erê
Dilê te     
Her di şevbuhêrka
       Xewnekê de ye
Min…
Ew di sozê
      Heyv..
         Û gelawêjê de xwend
Dîno….!
Di giyanê min de
         Awazek diherike
Û şahiyeke bêdeng
Li zimanê min
              Sîwar bûye
Rast e… rast
Ji zû de
Rewanê min
Awazek rêkiribû
Û dilê min
         Şahiyek ristibû.
Dînooooo….!
Li her berbangekê
Fîxana bilbiline ne diyar
Hestên min
        Hişyar dikin
Rast e… rast
Berî sê salan
Bilbilên hestên min
Koçberî gulistanekê bûn
A niha…
Dengên wan
        Guhên min payî dikin.
Dînoooo….!
Bi kenê sibehê re
       Çavên min tî dibin
Baş e..
Lê niha?
A niha..
Ewan çemekî têr dikin
Rast e..
Pêlên nêrînan
Kendalên hawarên dil
                 Gişt noq kirin.
Dînooo….!
Girûziyan…
     Solîn dîn kirin
Tajanên nêrgizan
     Teşiya aramê
                  Şikandin
Rast e… rast
A niha
Te ez dîîîîn
        Dîn kirim.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…