Konê Reş
Kobanê! (Va hatin pêşmergên me..)
Va hêzên tarî bi paş de vedigerin
Kurdistanî ji serok Barzanî re li çepan didin û dilîlînin
Sînor xwe ji ber rêkxistinên me dide alî..
Bi tenê rizgarîkirina te armanca me ye..
Va hêzên tarî bi paş de vedigerin
Kurdistanî ji serok Barzanî re li çepan didin û dilîlînin
Sînor xwe ji ber rêkxistinên me dide alî..
Bi tenê rizgarîkirina te armanca me ye..
Kobanê!
Sibe ku ez berê xwe bidim oxirê
Ez ê te bi xwe re di gelek balfirgehan re derbas bikim,
Te ji ber çavê çeteyan veşêrim,
Bitirsim, te ji min bidizin..!
Tu jî çak, xwe di nav damarên dilê min de veşêre..
Dil mezin e û cih fireh e.
Kobanê! Ez xweş serwextî dîroka te me;
Gelek kerwan di rêkên te re derbas bûne..
Lê her Deşta Sirûcê û Çiyayê Qerjdaxê
wek xwe kurd mane..
Konê Reş, Qamişlo, 29.11.2014
