Nizar yosif
Potîn zer vane ha
Rengên azadî
Bangên kurdayetî
Ji herêmên sênckirî
Giyanên gewdeyê mirî
Mizgîna rizgariyê
Ji koşeyên tengav
Delîvên lewaz
Ji xêzaniya welatê
sêwî
Pijiqandina şirikên
xwînê
Temisandina sedsalên bûrîn
Qîrîn û giriyê
mereqvanên porspî
Ǜ bûyerên dayîkên
dilşikestî
Gurên birçî
Ruhên genî
Hilweşandin
Talankirina sedê
gundan
Koçberkirina hezarê
malan
Ji teriqandina gundiyên belengaz
Ji çîk û hingavtinê
birînin esîran
Serjêkirina dîlên birîndar
Tovê mêranî
Hate der
Ji kalînin zarokan
Bê çareya janên
karker û gundiyan
Potînzerin ha
Singrûtên demê hostayên
dîrokê
Di malin lewatê
Dilêrin di parêzin
Şîndikin rayên azadî
Potînzer têne der
Ji ramanên rêberan
Ji çirandina dîroka
sexte
Derew û lekeyên wê
Ji lerizandin û bê
aramiya deştê
Û kevnariya destanên me
Ji rastiya rûpelên
şerefnameyê şêliyan
Ji bizav û efsaneyên serbestiyê
Ji axê venabin leşkerên rojê
Ji çênebûna bangên teslîm bûnê
Û zagonên poşmaniyê
Hêrsa hovan dikele
Xwezayî hingavtin
Berxwedanê deşt hejandin
Seyr maye dinya
Matmaye dijmin
Agirê çenga Konabê
Mêranî rawestandina xwdanan
Navê teslîmbûnê di berxwedana
Egîdan de nînin
Bihna poşmaniyê di agirê
Tifenga şervanan de peyda nabê
Leystikên dijmin bi cî nabin
Şagirtiyên şehîdanin
Sozdayên welêtin
Hevalên rojên tengavin
Li hawara bêy zaranin
Leşkerên dîlangerênin
Govendvanên cengên giranin
Berevanên rêya namosê
Potînzerin em .
04.10.14
