Daxuyaniyek ji Nivîsgeha birêz Selah Bedredîn

Bira û dostên hêja!
Di dema dawî de, malpereke ilktironî dîsa û bê sedem êrîşî me kir û xeber û dijûn di derheqê me de dan! Bi taybetî, ji ber ku xwediyê malperê bi temen û asta xwe, ne ji dûr û ne ji nêzîk ve ne têkildarê pirsên di holê de ye
çi yên girêdayî dîrok û pêşveçûn û bûyerên ku dehê salan ser wan de buhûriye û hindek kesên ku hê zindî ne di wan de beşdarî kirine, û di pirtûk û lêkolînan de, ji aliyê yên ku bi wan re pêwendîdar bûn çi bi xirabî anjî başî, hatine ravekirin û nirxandin.Her weha, ew herdem dikarin ji aliyê xwediyên wan ve bêne guftûgikirin, bi mebesta zelalkirina rastiyan û sûdewergirtina ji ibret û waneyên wan.Dîsa, ew milkê tevgera netewî demoqrat ya kurdî û têkoşerîn wê ne.
Em baş dibînin bidin xuyakirin ku têkiliya me bi dijûn û çewtiyên hatine belavkirin re nîn e , û ji servezêdekirin û rûreşkirina mirovan, kî dibin bila bibin, here dûr in.Her weha, em tekez dikin ku çi kesê rastiyan sexte bike û destdirêjî mafên kesan bike, dê stûbariya xwe hilgire.Di heman demê de, em diyar dikin ku em rêzê li hemû nêrînên avaker ku dibine alîkar di xurtkirina tevger û xebata me de, digirin.Her rexneyeke ku bi armanca jinûveavakirin û serrastkirina tevgerê tê kirin, bi singek fireh hembêz dikin.
Her weha, bi nêzîkbûna salvegera rabûna kurdî ya Avdara 2004an, em diyar dikin ku em dê beşdariya xwe ya erênî derbarê doz û kêşeyên tevgera Kurdî yên siyasî û çandî û hizrî, berdewam bikin, û xwe ji bicihanîna erkên xwe yên niştimanî di riya tevgera opozisyona demoqrat de, nemaze di warê çesipandina mafên milletê me di bername û acendeyên wê de, nadine paş.Tevî ku em bi tekezî dizanin ku-ji ber ezmûna me ya dirêj û nirxandina dirust ji xwezaya rêjîma ewlekarî ya despotîk û serdest li dirêjahiya 40 salan, ku ew dê bêdeng nemîne li hemberî lidij û guherînxwaz û opozisyongerên xwe li hundir û derve, nexasime tevgera kurdî.
Li gor vê yekê, ne ecêb e ko rêjîm hewil bide jehra dubendî û parçebûn û nakokiyan di nav refên gelê me de belav bike, û di riya hindek peyivgehên Kurdî yên taybet de, vê armanca xwe bibe serî.
Em ji hemî bira û dostên xwe re tekez dikin ko dijminê me yê serekî di vê qonaxê de rêjîma ewlekarî ya serdest ya Sûriyê ye.Her weha, çiqasî galegal zêde bibe jî, em ji riya xwe dernakevin.
Di gel rêz û silavan de.

Nivîsgeha birêz Selah Bedredîn
 Di 28/2/2007an de.
 

 

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…