Ibrahîm MehmûdBelê, ez û PKK’e, PYD’e û YPG’e ne li hev in, nakokiyên min û wan jî hene, lê ev nakokî nayên wê wateyê û nabin sedemên ku ez pişta xwe bidim bûyerên ku bi navên van hersê hêzan rû didin. Bi taybetî jî van rojan. Nimûneya herî balkêş jî Kobanê ye..
Çunkî Kobanê ji hemî rêxistinan mezintir e..
Kobanê ji hemî nakokiyên partî û hêzên siyasî mezintir e,
Her rex û aliyekî Kurdan, her gorepaneke Kurdan, her koşeyeke Kurdan, li hemî cihên û şûnwarên kurdan; çi li Kurdistanê be û çi jî li derveyî wê be; madem hin hene dilbijîn û çavdêriya kuştina Kurdan dikin êdî xencer di kezebê de ye..
Hema hema mîna ku Suryeyê-bi giştî hatibe ji bîr kirin,
mîna ku herêm û navçeyên ji alî Daişê û piştgirên Daişê û alîkarên Daişê û perwerdekarên Daişê ve hatine dorpêçkirin, ji bîr bûne,
mîna ku di şûna serê rejîma Assad de; aniha serê Kurdên li Kobanê tê xwestin; mebesta min pêşî serê Kobanê û pişt re jî yeko yeko (serê) herêm û navçeyên kurdan ên din e.
Ya herî ber bi çav jî ev e, rêvbirên Daişê dibêjin: Kurd di dîrokê de cihêwaziyek in, pêwist e, yan sînorek ji wan re were danîn yan jî hergav binpê û çewisandî û biindest bimînin..
Ax hey xoşewistên Kobanê,
hey xuşk û birayên Kobanê,
Ax hey malzarokên Kobanê yên ku hawarên xwe ji makan û nijadan wêdetir digihînin, hey rex û aliyên Kobanê yên ku Kobaniyan ji xelkên din baştir dinasin; xelkên din ên ku zimanê xwe û dîtbariya xwe û guhdariya xwe pişt guh dikin.
Ax hey bêcanên Kobanê yên ku bi sîbera xelkên Kobaniyên Kurd hatine mohirkirin; bervajî kesên ne ji Kobanê yên ku xwe ji bîr kirin; çunkî sermestiya (lipeyçûnê, sermestiya partîperestiyê, sermestiya xalûxwarzîtiyê, wisa kiriye ku kurd asoya xwe ya Kurdistanî wenda bike, ku kurd hişyariya xwe ya ceografî wenda bike; ku kurd hêza peywendiyê bi kurdbûyînna xwe re ya li ber gefan wenda bike; gefên li alî piştgirên Daişê, ji Daişiyên ku ji paş deryayan hatine; bi navê olekê ku ji hemî olên esmanî hatiye rûtkirin; Daişiyên ku ji paş çiyayan û daristanan hatine çunkî li cihekî ji cihan Kurdek heye, ger ew kurd were kuştin dê xelata wî buhuşt û hevdîtina periyên buhuştê be, kurdek heye û ji boyî wî; ji yên dîtir tirsnaktir e.
Hey siyasetmedarên Kurd!
Piçekî kurdayetiya xwe binasin da hûn çêja siyaseta dîrokî jî biçêjin!
Hey partîperestên Kurd, slogan nepox in, peqên avê ne, her sloganek berevajîkirina dîroka rastîn e, piçekî û bi tenê piçekî; ger hûn û kurdewariya xwe di gel hev biguncin, li hev werin da hûn rasteqîniya partîparêziyê bizanibin.
Hey diyalogerên kurd, li asoya kurd û li asoya Kobaniyê binêrin da hûn vedîtina diyaloga rasteqîn e û pêwist bikin.
Her kes ji we, bi kêmanî aniha, wisa dibîne ku, Kurdayetiya wî ya rastîn e, bi kêmanî dema ku hûn awirên we ber bi Kobaniyê ve dizîvirînin.
Bêguman erdheja Kobaniyê ji we re giring e..?
Tişta bi serê Kobaniyê were dê bi serê we jî were; bi taybetî hûn yên berpirs; hûnê bibin benîştê devê dost û dijminan, ger Kobanê ji alî Daişê û hevalbendên wê yên ji rejîmên ne pîroz ên herêmê ve were dagîrkitin, wate ew e ku hûn ne hêjayî dîrokê ne, wate ew e ku hûn ne hêjayî nûnertiya partiyan in, wate ew e ku hûn ne hêjayî Kurdayetiyê ne…
Piçekî giro(Tacîl) bikin, lê…
Piçekî bi şûn xînin lê…
Çûnkî Kobanê pêdariyê dike, Kobanê we dibîne, êdî li bin sîwaniya kurdayetiya pêwist hinasa cegerdariyê werbigirin, da ku hûn û Kurdên xwe di dîrokê de werin nivîsandin, bejin bilind û berz bibin.
Yana hûnê gunhbarên dîrokê, ceografyayê û gunehbarên miletê ku hûn nûnertiya wî dikin, bin..
Hûnê gunhebarên heval û piştgirên xwe bin..
zengilê metirsiyê yê kurdayetiya we lê dide..
zingîna sifrê ya katjimêra kurdayetiya we lê dide,
êdî yan dîrok an jî ji dîrokê derketin; derketina rût a ku çi dîrok be nema dikare binixumîne,
êdî ji xwe re hilbijêrin!!?
Duhok
Wergerandina ji erebî: Ehmedê Huseynî
Gotara erebî:
