Li bajarê Bielefelda Elmanyayê, piştî rawestana karûbarên Hevgirtinê ji ber sedemên cuda, di 25-26/01/2014ê de, kongireya 4ê ya Hevgirtina Rewşenbîrên Rojavayê Kurdistanê li dar ket. Damezirandina (HRRK) bi xwe bersiveke rasterast bû ji boyî 12ê Adara 2004ê, her weha dengvedana wijdan û hêviyên miletê me bû. Ji ber ku rewşa îro nêzîkî wê rewşê ye ya ku piştî 12ê Adarê hatibû holê, komîteya kargêr û hejmareke ji endaman xwestin ku karûbarên xwe berdewam bikin û layiqî rewşa vê qonaxê û pirsên wê bin. Ji ber vê yekê; komîteyeke amadekar hate avakirin û vexwendineke vekirî ji bo hemû rewşenbîrên Rojavayê Kurdistanê re di çapemeniyê de belav kirin, da ku beşdarî kongireya 4ê bibin û giyanê serîhildana Adarê vejînin; bi awayekî ku bibin dengê berxwedana miletê xwe li dijî zordariya rêjîma sûriyeyê. Herwisa bi miletê xwe re beşdarî xwepêşandan û çalakiyên ji bo azadî, dadmendî, wekhevî û rûmetê bibin. Nexasim ku bi sedan ji zarokên miletê me di riya parastina xak û gelê xwe de, li
diji hêzên tarî şehîd ketin. Beşdarên kongireyê bi berfirehî li ser xalên di rojevê de û li ser rêbaza xwe danûsitendin kirin. Beşdar di wê baweriyê de bûn ku pêdivî bi piştgiriya destkeftiyên miletê me heye, ku bi xêra keda xebatkarên me û xwîna şehîdên me hatine holê. Wisa jî giringiyeke mezin dan rola jina kurd û beşdariya wê ya çalak di destnîşankirina qedera gelê me de. Herweha pêdiviya bi beşdariya hemû rewşenbîrên Rojavayê Kurdistanê di karûbarê bi hev re hate piştrastkirin. Ji ber wê; deriyê vê Hevgirtinê ji bo hemû rewşenbîran, dîtin û nerînên wan çibin bela bibin, vekirî ye. Li gor rêbaza Hevgirtinê û armancên wê, ev Hevgirtin platformeke rengîn e û li ser bingeha danûstendin, rêzgirtina dîtinên cihê, pejirandina hevdû, hemêzkirina dîtinên rexneyî û nirxên giştî hatiye avakirin. Ev yek jî me dajo ber wê berpirsiyariyê ku em bi hev re gavan ber bi armancên xwe yên hevbeş ve bavêjin , asta gotara xwe ya rewşenbîrî bilind bikin û di çarçoveya parastin û pêşxistina zimanê xwe de van nirxan pêş ve bibin.
Di dawiya kongireyê de ev pêşniyaz û biryar hatin girtin:
– Hem li Amedê û hem jî li Hewlêrê kongire û civîn bêne li dar xistin. Eger di hundir şeş mehan an salekê de ev civîn pêk hatin, dê komîteya Kargêr amadekariya kongireyeke giştî û awarte li Qamişloyê bê kirin.
-Pêşdebirina karê Hevgirtinê di warê ragihandinê de “aktîvkirina malpera fermî ya Hevgirtinê û rûpelên wê yên di warê medya civakî de.
-Avakirina têkiliyan bi dezgeh û derûdorên biyanî re.
-Xurtkirina danûstendin û têkiliyên endamên hevgirtinê yên ku li yek welatî dimînin û lidarxistina çalakî û şevên wêjeyî û çandî. Di riya amadekirina pilaneke karkirinê û bi erêkirin û alîkariya komîteya kargêr ya ku di vê kongireyê de hate hilbijartin.
Em bi hêz û hemi karînên xwe piştgiriya xelkên xwe yên Rojavayê Kurdistanê dikin.
Azadî ji boyî rewşenbîrên girtî, azadî ji boyî Hisên Iso û hemî rewşenbîrên di zindanên rejîma kujer a Sûrîyeyê de.
Bila nirxên mirovane yên peyebilind bijîn
Bila Kurdistan azad bibe!
diji hêzên tarî şehîd ketin. Beşdarên kongireyê bi berfirehî li ser xalên di rojevê de û li ser rêbaza xwe danûsitendin kirin. Beşdar di wê baweriyê de bûn ku pêdivî bi piştgiriya destkeftiyên miletê me heye, ku bi xêra keda xebatkarên me û xwîna şehîdên me hatine holê. Wisa jî giringiyeke mezin dan rola jina kurd û beşdariya wê ya çalak di destnîşankirina qedera gelê me de. Herweha pêdiviya bi beşdariya hemû rewşenbîrên Rojavayê Kurdistanê di karûbarê bi hev re hate piştrastkirin. Ji ber wê; deriyê vê Hevgirtinê ji bo hemû rewşenbîran, dîtin û nerînên wan çibin bela bibin, vekirî ye. Li gor rêbaza Hevgirtinê û armancên wê, ev Hevgirtin platformeke rengîn e û li ser bingeha danûstendin, rêzgirtina dîtinên cihê, pejirandina hevdû, hemêzkirina dîtinên rexneyî û nirxên giştî hatiye avakirin. Ev yek jî me dajo ber wê berpirsiyariyê ku em bi hev re gavan ber bi armancên xwe yên hevbeş ve bavêjin , asta gotara xwe ya rewşenbîrî bilind bikin û di çarçoveya parastin û pêşxistina zimanê xwe de van nirxan pêş ve bibin.
Di dawiya kongireyê de ev pêşniyaz û biryar hatin girtin:
– Hem li Amedê û hem jî li Hewlêrê kongire û civîn bêne li dar xistin. Eger di hundir şeş mehan an salekê de ev civîn pêk hatin, dê komîteya Kargêr amadekariya kongireyeke giştî û awarte li Qamişloyê bê kirin.
-Pêşdebirina karê Hevgirtinê di warê ragihandinê de “aktîvkirina malpera fermî ya Hevgirtinê û rûpelên wê yên di warê medya civakî de.
-Avakirina têkiliyan bi dezgeh û derûdorên biyanî re.
-Xurtkirina danûstendin û têkiliyên endamên hevgirtinê yên ku li yek welatî dimînin û lidarxistina çalakî û şevên wêjeyî û çandî. Di riya amadekirina pilaneke karkirinê û bi erêkirin û alîkariya komîteya kargêr ya ku di vê kongireyê de hate hilbijartin.
Em bi hêz û hemi karînên xwe piştgiriya xelkên xwe yên Rojavayê Kurdistanê dikin.
Azadî ji boyî rewşenbîrên girtî, azadî ji boyî Hisên Iso û hemî rewşenbîrên di zindanên rejîma kujer a Sûrîyeyê de.
Bila nirxên mirovane yên peyebilind bijîn
Bila Kurdistan azad bibe!
