Dr. Kamiran Haj Abdo*
Rojên 23.-24.12.2012-ê li Ruhayê (Orfê) “Dîdara Niştîmanî ya Hisiçayê” li dar ket. Dîdar ji aliyê Encûmena Niştîmanî ya Sûriyê (ENS) û Hevkariya Hezên Şoreş û Rikberiyê (HHŞR) hati bû amadekirin. Armanca dîdarê ew bû ku pêkhateyên Hisiçayê bên ba hev û bi hev re rêveberiyeke hevbeş ji wê parzgehê re ava bikin, ji ber ku ew “parezgeheke tevlihev e”.
Li vir divê ev xal bêne gotin:
- Eger armanc ew e ku pêkahteyên Hisiçayê bêne ba hev, gelo çima ne li welêt, lê li Tirkiyê ev dîdar tê lidarxistin?!
2. Tiştekî pir baş e ku pêkhateyên Hisiçayê bên ba hev. Lê gelo çima ne alên wan pêkhateyan, lê ala Tirkiyê li salona dîdarê bilind dibe?! Ma ne divê ala niştîmanî, ya aşûrî û ya kurdî ji her aleke din (li ba xelkê Sûriyê) buhatir û binirxtir bin.
3. Çima tenê li ser asta Hisiçayê ev reng dîdar?! Ma parêzgeha Heleb jî ne tevlihev e, ma ne bêhtir 1,5 milyon kurd li wê parêzgehê dijîn! Lê gelo armanc ew e ku kurdînî û kurdistaniyeta herêmên kurd wenda bikin?! Gelo eger Hisiça tevlihev e, ma ne Humis (sunî, elewî û xirîstiyanî) Şam (ereb û kurd) û gelek bajarên Sûriyê jî tevlihev in.
4. Gelo çima ENS û HHŞR ji bo tevaya welatê me (Sûriyê), ya ku welatê ereb, kurd û aşûriyan e, welatê misliman, xirîstiyan û êzdiyan e, welatê sunî û elewî û durziyan e, rêveberiyeke hevbeş û sîstemeke hevpişk, ya ku hemû pêkhateyan wekhev bigre, napejirîne?!
De bes e, werin em rastiya Sûriyê nas bikin û pêşeroja wê bi hev re û ji me tevan re destnîşan bikin.
* Endamê Serkirdayetiya Partiya Yekîtî ya Demokrat a Kurd Li Sûriyê
Şîrove (0)