Dilşad Mella
Min dî keçek li govendê
Rû bi şewqe wekî findê
Nazike bejna lewendê
Min dipirsî ma ev kî ye?
Hûrik nerî û kenê xwe da
Min bi çavan silav veda
Mirim ketim bextê xweda
Dema hejand porê siyah
Min bi çavan silav veda
Mirim ketim bextê xweda
Dema hejand porê siyah
Xwe berda nav xwîna min de
Wî zû li deryê dilê min da
Sed merheb hey gula rinde
Dil ji ter xweş war û cî ye
Perî û horî delalê
Birhên te rengê hilalê
Were em herne sema lê
Me ji gotinên xelkê çi ye
Disa ketim mitala wê
Min dipirsî li rewşa wê
Li êl û gund û bavê wê
Dilovanê ma tu ji kû ye
Go `z nêzîkim ne dûr ji te
Were çavan kilkim bit e
Tu min nasnakî sed heyf li te
Go rebeno
Ez dotmama te me!?
