Tengezar MarînîDi bîranîna heftemîn sala şehîdabûna şêxê Şehîdan, Şêx Maşûqê Xeznewî, li Hannover, ku ji hêla revenda kurd û revenda Sûrî li Niederschsen hate lidarxistin, di roja 9.6.2012, hejmareke mezin ji kurd û ereb û hinek elman amade bûn. Kurê Şêxê Şehîd, Şêx Murşid ew jî beşdar bû û bi vê boneyê li ser rewş Şêx û fikr û ramanên wî bi dirêjî axift. xemgîniya xwe diyar kir, ku ramanên Şêx nayên bibîranîn û li ser guftûgo çênabe.
ji bilî Şêx Murşid, ji gelek komên olî û netewî yên civaka Sûrî di vê bîranînê da, di podiomê da beşdar bûn û hestên xwe li ser bîranînê anîn zimên, her wisa jî li ser paşeroja Sûrî û mafê neteweyan û grûpên olî guftûgo hatin kirin. Ji yên beşdar, ji bilî Şêx Murşid, Dr. Ekrem ji hêla elewiyan, Şêx Ismet birîmo, ji êzdiyan, Khalid Alzayid ji hevrêziya piştgiriya şoreş li Hannover, Silêman Gewriyê ku endamê partiya gel û ragehandina Şamê û suryanî ye, û nivîskarê kurd Husên Çelebî . hêjayî gotinê, ku rêzdar Ebdul Hamîd Xalîl ev guftûgo bi rê ve bir. Beşdaran bi pirs û danûstendinê şev xemiland. Di beşê yekem de, ku deqek rawestan li ser giyanê Şêx Maşûq û şehîdên kurd, kurdistan û şoreşa Sûriyê hate rawestandin. Berpirsê pirtûkxaneya Hanna Arendt û navenda Zanistê Walter Koch li ser pirsa kurd, Sûrî, aşîtî û demoqratiyê axift. Hunermend Zubêr Salih bi strana Meded Şêxê min meded ji peyvên helbestvanê kurd Ehmed Huseyî pêşkêş kir, ji gotinên hêja Mihemed Oskê, ku bi xwe nikarî beşdar bibe, hêja Hisên Çelebî , wî xwend, Fîlmekî dokumenter li ser Şêx, axaftin û ramanên wî ji hêla Hunermend Şîraz Çeto hate pêşkêş kirin, Hunermend Dilovan Dogan bi strana xwe ya li ser Şêx Maşûq çêkiribû bi dengekî operalî pêşkêş kir, xanim Diya Şivan bi nivîsekê di biwara heftemînsal da, hestên xwe mîna dayikek kurd bi cih anîn, hunermend Beşîr Dêrikî, bi dengê xwe yê çiyayê strana li ser Şêx bi rengê folklorî got. staran wî Şêx Ebdulrehmanê Garisî anî hizra me, dema şehîd bû û seydayê Cegerxwîn li ser nivîsî..pêşkêşê beşê yekê bi helbestekê diyarî bo herdû şehîdan, Şêx Maşûq û Mişel Temo kiribû xwend. di dawiya programê da, Hunermend Şîraz wêneyekî Şêx Maşûq, ku wî bi destê xwe nîgar kiribû, diyarî Şêx Mursid, kurê Şêx Maşûq kir û ji hêla komîta amadekar ve ala Kurdistanê diyarî da hunermend Şîraz Çeto….
