Dost û hevalên hêja…Berî niha bi du salan, li rojeke weke îro, bira û mamostayê me yê hêja Rezo Osê çavên xwe damerandin û li xaka welatê xwe bû mêvan.
Li wê rojê û li ber darbesta ciwanemergê me, hêstirên germ ji çavên meriv û dostên wî hatin xwar, û gotinên xemgînî û mixabiniyê yên ji dil de û li gor bejna jidestçûyî bûn, ji hêla dost û hevalên wî de hatin kirin. Wan hemiyan, paybilindiya meqeama nivîskar û rewşenbîrê me Rezoyê Osê tekeze dikirin, û giringiya rola mirovên zana, û bi salix û sinciyên cudawaz, ji civaka me re û ji tevahiya tevgera azadixwaz û dadperest re anîn zimên.
Belê birano.. li her welatekî û li her deverekê zana û rewşenbîr serî û mejiyê civakê ne, ew serkêş û pêşeng in, ew çîka destpêkê ji her guhertinekê re dijenin, bê wan nûjenî, şaristanî û mirovatî pêşde naçe, ew sar dibe û vedimre, belkî ji ber wê jî derba ew dixwin.
Bêguman, roja îro û di rewşa ku welatê me sûryê tê de bi tevahî û gelê kurd li sûryê bi taybetî, pir zelal diyar e, ku çiqas pêdvî û gerekî bi hişmend, rewşenbîr û mirovên zana heye, û çiqas e, ku ew cihê xwe nava rêzên tevgera azadîxwaz de bigrin, çin kî li ev rojên reş û dijwar, li ev rojên ku xwîna mirovan li her derdorekê dirijê, gelê Sûryê bi pêdviya hemî lawên xwe ye. Û li bendê ye ku her mirovek, nemaze jî zanayên xwe, bi rola xwe ya erênî rabe, welatê xwe biparêze, civaka xwe biparêze, kuştinê û xwînrêtinê rawestîne, û bi pêdarî berve ronahî û azadiyê bimeşe.
Di van rewşên giran û dijwar de, zor pêwîst e jî ku nêrîn, helwest û baweriyên zana û rewşenbîran cihê rêzdarî û guhdanê bin, nemaze jî ji hêla tevger û hêzên siyasî de, bi dilferehî li wan werin nihêrîn û bi guhên vekirî werin bihîstin.
Belê dost û hevalên hêja, bila herkes bizanibe, gelê ku zana û hişmendên xwe teqdîr neke û rêza bîr, bawerî û nêrînên wan negre, ticarî bipêş nakeve û dê wek sêwiyan li şûna karwana şaristaniya mirovatiyê bimîne.
Birayê me, kek Rezo, biracan.. tu di jiyana xwe de û di mirina xwe de jî cihê qedrê yî, ji ber ku tu zana bû, rewşenbîr bû, pêşeng bû, gernas bû û fîdakarê gelê xwe bû.. hezar silav, rêz û rûmet ji bîranîna te re nemirê hêja.
Desteya kovara PIRS
Bêguman, roja îro û di rewşa ku welatê me sûryê tê de bi tevahî û gelê kurd li sûryê bi taybetî, pir zelal diyar e, ku çiqas pêdvî û gerekî bi hişmend, rewşenbîr û mirovên zana heye, û çiqas e, ku ew cihê xwe nava rêzên tevgera azadîxwaz de bigrin, çin kî li ev rojên reş û dijwar, li ev rojên ku xwîna mirovan li her derdorekê dirijê, gelê Sûryê bi pêdviya hemî lawên xwe ye. Û li bendê ye ku her mirovek, nemaze jî zanayên xwe, bi rola xwe ya erênî rabe, welatê xwe biparêze, civaka xwe biparêze, kuştinê û xwînrêtinê rawestîne, û bi pêdarî berve ronahî û azadiyê bimeşe.
Di van rewşên giran û dijwar de, zor pêwîst e jî ku nêrîn, helwest û baweriyên zana û rewşenbîran cihê rêzdarî û guhdanê bin, nemaze jî ji hêla tevger û hêzên siyasî de, bi dilferehî li wan werin nihêrîn û bi guhên vekirî werin bihîstin.
Belê dost û hevalên hêja, bila herkes bizanibe, gelê ku zana û hişmendên xwe teqdîr neke û rêza bîr, bawerî û nêrînên wan negre, ticarî bipêş nakeve û dê wek sêwiyan li şûna karwana şaristaniya mirovatiyê bimîne.
Birayê me, kek Rezo, biracan.. tu di jiyana xwe de û di mirina xwe de jî cihê qedrê yî, ji ber ku tu zana bû, rewşenbîr bû, pêşeng bû, gernas bû û fîdakarê gelê xwe bû.. hezar silav, rêz û rûmet ji bîranîna te re nemirê hêja.
Desteya kovara PIRS
3.2.2012
Şîrove (0)