Melevan ResûlPiştî bendewariya heft mehan ji avisbûnê , zaroka di zikê makê de meyî hin bihin mezin dibû, mal û malî çavlirêbûn ku nûzayek xwedê bide , dilê dê û bavan şa bike û şahiyê bixe navkila mala bêdûnda, ya ku di nava xwîn û kujtarê re rûbirû mayî û bi omîda xwedêdaneka jêhatî û bikêr , ji nava giryê mirinê bikşîne, her çendî zaroka di zikê dê de heft mehî xwedê da û hîna neh mehên xwe nedagirtibû da tekûz û lihevdayî ji organ û endaman , lê dîsa jî wî nema karî xwe di zikê makê de bihêle û xwest bilezgînî tevlî şahiya xwedêdanê bibe ,
çîk û birhên dijwar bi hatina xwere anîn û nûzayê me bi neşter û kêrê bizişkên kêrhatî bû mêvanê rewşa serdemê , bi wê çepeliya xweve ew li ser dest û çavan hate pêşwazîkirin , hinekî aramî di nava me de çand û hêviyên pêşwext bi mere çand , nûzayê me di çilikê xwedêdanê deye , hîna ew firşik dibe , her dayik dixwazê pêsîra xwe bixe devê nûzayî de û ji şîrê xwe firşik bike , lê nûzayê bextewer hemî memikan nagire û pê firşik nabe , hineka pirç dike û hinekan tif dike , ez bi xwejî ji vî nûzayî seyr mame çima ew wisa dike , her çendî pêdawistiya vî nûzayî bi guhdan û pêçanê heye jî , lê ew ji kevelê nûzayî derketiye û dixwaze rût û çîplaq bimîne , ji lewre va di çilrojiya xwede sê caran dipişike û kef û kinc bi ser devan dikeve , verîşana wî bi xwîn û zoxe , rûtariya wî bê nuxmandine , hekîmên vî welatî li dorê civiyane , carekî bi dewranên berovajî ji ayetên qur`ana pîroz li ser hatin xwendin û sûde neda , û cara din dûşeva meywedariya zanevan û zanyarên hevdemî di gewriya wîre serniqotî kirin , şîrê hilk û hingivê kiwara bê sinîd guvaştin gewriya wî , lê heme pirçîn û tifkirin li dê û bavan divegere , em di seyr û matebûnê de gevizîn , ev çi nûzaye û çi dive , heger wa be min nebawere nûzayê me çilrojiya xwe derbas bike û kêfa me here serî , yan nûzayê me bi lezgînî ji berya demê xwe xwedê daye û yan ev nûzayî bîjiye û ne ji pişta meye , yan malzaroka daika me hişkbûye û nema bi zaro dibe û yan pişta bavên me nema diherike û ji bilî bêjî û sexelan bi dû wan dikeve .
