Şoreşa ramanî

 Ciwan Dêrikî

 Pêdiviya me bi şoreşek ramanî heye , bîr û ramanên li sûka kurdî – kurdên rojava –  bi piranî yên sedsala borî ne , dûrî sedsala 21an e , sûkeka kevneşop maye , bê nûjenî û xweguherîn . cîhan bi ezmanan ve ketiye hêjî kurd serdema berî zayînê dijî . hê guroverîzm neghaye wî , maye di cihê xwe de , bê nûkirin , bê xweguherîn û bê hemdemîtî . ev ramana Kevin a bûyî tert li ser mejyê civakê di serî de pêwistî bi şoreşek ramanî heye , ku hemî pîvanên berê serûbin bike , hemî têgehên zer û hişkbûyîn bimale , bingehek nû dane , tirhin nazik û bijartî biçîne û ji kaniyên hizr û hişmendiya pak bi hostayî av de . heger şoreşe divê guherînê ji kokê ve çêke , yan jê emê bimînin di nav şêlûbêleka winda de .
Şoreş jî endam û pêşengtî jêre gereke , bîrdoz û felsefeyek zanistî û serdemî , rêxistinek hevgirtî û ji pola , û kadirin bi siyasetê pijayîn ..
Çi şoreşa heyî û yên derketîn bi pêşengî bûn , hêzeka xwe ya canfida û gorîker hebû , kesatiya xwe di sîtla şoreşê de dihelandin û dikirin şerbet ji belengazan re , ji hêviyên civakê re , ezezîtî di jiyana wan de nebû , sistî û rawestan jî nasnedikirin , di liv û tevgerê de bûn ta armancên şoreşê bi cih dihatin .
Dibe di dema me de rewş guheriye , ne mîna sedsala bûriye , lê pîvanin sereke hene ji her dem û çaxan re gerekin , raste em nikarin pîvanên şoreşa Rosî , yan ya Vêtnamî li rewşa xwe ye îro siwarkin , lê divê çareyek jî hebe ji bindestiya me re , rêbazek hebe ku ev gel ji koletî û mêtingeriyê rizgar be . ev rêbaz dibe ku siyasî be , aştiyane û demoqratî be , dûrî hemî rengên tundûtijiyê be , û dibe ku çekdarî be jî .. gava hebûna neteweyekê bikeve metirsînê , yan dagirker bi hemî hêza xwe ya hovane ve bajo ser .. hingî tu neçarî li berxwebidî û xwe biparêzî bi hemî derfetên ji dest te tên …
Bi nêrînek kûr û hûrbîn mirov li rewşa me ya îro temaşeke , wê bibîne ku em ji tiştekî re ne pêkhatîne , ti piroje û nexşerê li holê nînin ku karwanê me bighîne binecihê , yanjî yên heyîn ne zelalin û ne vekirîne . raman û xebata ku tête behskirin di civakê de ji hêla rêxistinan ve .. demê ew derbaskiriye , devjê berde ku tenê ew xebat di gotinê de maye .
Ji hemî rewşenbîr û nivîskarên kurd tête xwestin ku jiyana serdemî nîşa gel bidin , ramanên hemdemî belav bikin , danûstandinek kûr û berfireh bi siyasetvan û partîzanan re bikin , bi dengek bilind û eşkere .. bi rastî bibin ronahî ji vî gelî û vî welatî re . ta nêrîna giştî yekba bibe li gor bîr û ramanên nûjen , û bi pîvanin serdemî . belê digel vê .. taybetiya kurdîtiya me jî bête parastin .   

          17 / 9 / 2011

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…