Qado ŞêrînIşkence û kuştina kurd bi destê birayê kurd du taq, sed taq dijwartire ji ya bi destê dijminan. Taaaahl e, zilindar e, jahra silêmanî ye, qet nayê daqurtandin. Mirov mirina zer bi çavên xwe dibîne, mirov hêvî dike tune ba, bimra û bi destê kurdekî nehata işkence kirin.
Şebîhên wan dikarin cerg û hinavên dê û bavên zarokên mîna Hemze El Xetîb li ser kuştina Hemzeyê biçûk bişewitînin, mixabin, xuyaye li Serê Kanyê wek ên wan ên me jî derketine bin heyvê û dikarin jiyana zarokan li ser bavên wan bikin jahr û ziqûm, dikarin wan zarokan ta ebed bê ken û lîstik bihêlin.
Kes wisa nake biranooo, kes wisa li birayê xwe yê kurd nake, ew ne karê we bû, karê hin in din bû, lê we ji bedêla wan hinan ve kir, ew hin ku gihan wê herêmê, dibe ku pêşî te yan jî zaroka te ya di dergûşê de li pêş çavên te bikujin.
Eger wan her du kurdan, Kurdistana kurdan bi erzanî firotibin, yan jî bi navê çil melyon kurdî mafê azadî û serxwebûna Kurdistanê bi maf in herêmkî û kesane guhertibin, buhayê wan daliqandina piştî birajtinê bû, ne lêdan bû.
Xwezî şebîha wisa bi min û malbata min bikirna, û ne kurdan bi kurdan.
Şerme, weleh şerm û fehête, hetîketî ye. Ji berê de gotin e: Golikek garanekî xera dike.
Bi hêviya ku kiryarên wisa yên ku tenê dikevin tûrikê rêjîmê, tenê rêjîma li ber rûxandinê, sûdê jê werdigre, rawestin û dubare nebin.
Eger wan her du kurdan, Kurdistana kurdan bi erzanî firotibin, yan jî bi navê çil melyon kurdî mafê azadî û serxwebûna Kurdistanê bi maf in herêmkî û kesane guhertibin, buhayê wan daliqandina piştî birajtinê bû, ne lêdan bû.
Xwezî şebîha wisa bi min û malbata min bikirna, û ne kurdan bi kurdan.
Şerme, weleh şerm û fehête, hetîketî ye. Ji berê de gotin e: Golikek garanekî xera dike.
Bi hêviya ku kiryarên wisa yên ku tenê dikevin tûrikê rêjîmê, tenê rêjîma li ber rûxandinê, sûdê jê werdigre, rawestin û dubare nebin.
09/08/2011
