BEXT REŞÊ KOÇER
Ji pirojeya min di gasîna nivîsandinê de û nêrandina min li ser piraniya berhemên nivîskarên ciwan yên ku hatîn çapkirin û belavkirin di dema van deh salên dawî de , û dan û standina min bi gelek nivîskarên extiyar re , yên ku xwe dibînin stûnin di gasîna nivîsandinê de di beşê Kurdistana Sûryê de , gelek têbîniyên min hene li ser van kesên xwe her wesa dibînin .
Gelek ji wan xwe dibînin rexnevan û lêkolînvan dema berhemek nû ji nivîskarek ciwan derdike ve holê û rexneyek bero vajî li wî berhemî dikin û mebesta rexneya wan ya ku li wî berhemî dikin ne ku sûdeyekê bidin wî nivîskarê ciwan û kêmasî û kurtiyên wî jê re bidin xuyakirin , lê di rexneyên xwe de hewlê xwe dikin ku wî nivîskarê ciwan perçe perçe bikin û nivîsandinê li ber çavên wî reş bikin û wî dûrî nivîsandinê bikin , ji ber ew nivîskarê ciwan sibe bi nivîsên xwe di ber wan re dernekeve û cihê wan negire û ji ber gasîna nivîsandinê ji wan tenê re bimîne .
Lê ev nivîskarên ez li ser wan di axivim û ev nivîskarin yê ku bi çavek mezin li xwe dinêrin , mirov bê rastiyê ne nivîskarin û tu girêdan di navbera wan û nivîskarên bi doz û welat perwer de peyda nabe , ji ber nivîskarên bi doz û welat perwer kêfa wan tên dema bi şûn xwe ve hejmarek cîgerên xwe dibînin .
Û li gor nêrîna min , yên ku xwe dibînin stûnin di gasîna nivîsandinê de divê ji nivîsên nivîskarên ciwan netirsin û divê baweriya wan werê bi yaseya nivîsandinê ya ku parçeyeke ji yaseya dinyayê .
Gulek ji dara xwe dike ve û yek din ji nû ve vedibe ji ber cihê wê bigire .
Mejiyek tê girtin piştî rola xwe dibe serî û mejiyek din derdike ve hebûnê ji ber armancên xwe bi cih bîne di hebûnê de .
Ev gotinên ez dibêjim pêwîstin bigihin li hemî nivîskar û rewşenbîrên Kurd û bi gotinên min bikin , û hêvîdarim çi kovar be çi rojname be bi zimanê Eُrebî be yan bi zimanê Kurdî be yên tên weşandin di beşê Kurdistana Sûryê de , qorziyên taybet di wan de hebin ji nivîsên nivîskarên ciwan re , ji ber gelek bêtar û pirsgirêkên nifşê nû hene nivîskarên extiyar nikarin xweşik li ser wan binivîsînin û çareyan ji wan re pêşkêş bikin û nivîskarên ciwan bihtir dikarin çareyên nû û wêneyên nû ji bêtar û pirsgirêkên xwe re pêşkêş bikin .
Banga min ji wan nivîskarên yên ku bihtir derfeta xwe dîtin di nivîsandinê de .
Werin bihtir delîvê bidin nivîskarên ciwan wek hûn jî rijek ji rojan ciwan bûn û ji berhemê koş û xebata we di cîhana nivîsandinê de hûn gehane vê qonaxê û vê navdariyê ev nivîskarên ciwan jî rojek ji rojan wê bibin stêr di esmanên Kurdistanê de û wên roniya xwe belav bikin bê ku roniya wan sînoran naz bike .
17 . 11 .2006
Sewêdiyê
Sewêdiyê
