Dîwana konê reş ya bi navnîşana (Şîhîna şevbihêrkên dîl)Derket

Xalis mswer:

Dîwana helbestvanê navdar konê reş, ya bi navnîşana(Şîhîna şevbihêrkên dîl),  bi çapkirineke pir rengîn û ciwan derket, ew dîwaneke ciwan û rengîne, çi di warê qap û dekorê de, û çi jî di warê wate û naveroka xwe de.

Konê reş xwe mîna mirovekî şivan,  hem şivanê zarokên xwe, û hem jî şivanê milet û welatê  xwe dibîne, û herdem jî şivanekî sozdar û bi wijdane.Di xweşxaneya dîwanê ya didiwan de, şivanê  şevbihêrkên dîl (Konê reş) şivantiya xwe , weha dide nasîn û dibêje:
Şivan im!
û kes bi min
nizane.
Ji berbanga sibê ve
Ta bi nîvê şevê
Şivantiya zarokên xwe
dikim
……
Şivanekî bi soz û
Wijdanim:
Belê, weha qêrîn û nalîna Konê reş, dikeve kerika kuhê hemû kesên kurd ku,  jibo zarok û kulfet û miletê xwe  zik êş û sozdar û fîdakarin.
Û ez jî lê vedigerînim, û bi diyarî van rêzan jê re pêşkêş dikim û dibêjim:
Konêreş bese
Menal
Hevqasî bilûra
şivantiyê
tevnexurcilîne
Deng vegera
Soz û peymanên te
Nalîn û kalîna te
Newal û hêrikên
Berya xelef axa
Bi awazên kurdayetiyê
Dixemilîne û
Rehên dilê me
anîne xwar
lê nizanim 
çawa û bi çi hawî
û ta kengî
li qêrînên te
vî şivanê
bi wijdan û sozdar
guhdarbikin û
lê bi xwedî derkevin