kesayetîya bê buhar di sînorê tarî û ronahîyê de


hozanê girkundê

êvarek bi mij û dûman li deşta
asîmanê welatêmin
belavkir …
giyanê helbestê mîna

cama peyalê derizî …
dil di rawanê minde
girîya û lerizî …
gulên fedîyok
di sînga buharê de
çelmisî…
xame li ser riwê kaxezan
di paxila peyvande
lukimî …
dema te ji hizrên
wêjeya kurdî koça xwe
barkir te çend wêneyên
şengewîn bi dîwarê
jiyanê bi dar vekirin
ûçend xewnên kelo girî
li bejna şevê
te pêçand
demsalên payizê
ji nûve sîwana xeman
li gewrîya dil revînê
kilît kirine..
û xwe gerandine..
kovanên tije jan ..
mîna kevaleke birîndar .
bi dil sarî li hirêma
hestê min xwe nîgarkir ..
te em xistin
sotîgeha dûrîyê
dem ûroj û temen
li ber lehîya bîrhatîya .
te mest û lalkir ..
şevbihêrk avdar ûnewroz
wilo di myîxana serxweşîya
boz te bê çare û sarkir…
zindan û bang serxwebûn
û raperîn û pêşketin ..
te li pêxwe hiştin ..
te dilê yaraxwe bi girî
vekir ji hêvî ûxewnan
dûrkir ..
hiş û sewdan ji hev
tar ûmarkir ..
sibeh bê êvar man
dîmen bê renge man ..
ûxweşî ji gulîstana evînê
barkir …
bi çûnatere
gelek tişt hatin guhertin
lê tu xweş bawerbe
gîha di bin kevirande namîne
perda reşahîyê
wê ji hev zîvar zîvar
bibe ..
sibehên dîdarîyê
wê berbang bidin ..
roj wê li me hilê
kulîlk ûperwane
di yek govendêde
wê semayê bikin ..
ji nûve wê navê te bibe
gulîzara bi buhar ..
jiyan wê bi xemile
kirasê azadîyê
li bejna newrozê emê
pîrozkin ..
li ber sîmfonîya
serbestîyê şemalên
mizgînîya hebûnê
emê pêxin …
û bi dildarî emê navê te
di çarçewek zêrînxin ..

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…