Luqman SilêmanLuqman_sileman@live.se
Wele min rahişte şîrê Şêr û min ber xwe da mala axayê ku bi min re hatibû ser xwestinê. Çaxê ku axê çav li min kir ewjî mat mayî ma wîjî yeqîn nedikir ku ezê vegerim. Min şîr li ber danî û min jêre got: va min şertê xwe pêk anî lê Gulzêrînê dane mêr û yê min ez bela xwe jê venakim ezê herim wê bi revînim ku ew di nav alayk eskerde bê.. Ezê wê xilaskim ez hêvî ji te dikim tu li min negrê axayê min.. axê ji min re got: here destê te ji tere zilamekê weka wî yekê weka te jêre divê û ez li pişta teme… Wele min xatirê xwe ji axê xwestin û min berê xwe da Dêrika Çiya yê Mazê tu li kudê yî ez bavê Hisênim henek bi min re nabin.. min soz daye ez jinê neynim ji Gulzêrînê pêve ku ez sed salî lê bi gerim….Ez Dêrika Çiya yê Mazê nas nakim û ez di zanim ku ew li ser xetêye ûez ji serxtê bazdayî me û hikumeta Turk bi şev û roj li min digerê… Wele ez çûm cardî min şev û roj kirin yek pazde roj roja şazdihê ez li Dêrikê bûm lê ka ezê çawe kezeba xwe bi bînim agir bi hinavê min ketiye girî ji min kême hingî min bêriya wê kiriye.. wele min ji vir ji dera dî pirsî ta ku camêrekî weka we Xwedî xêr berê min da kelha ku Gulzêrînê tê de. Lê ma çi kelhe.. we kelha qiralê Gêwir dîtibû hema eyîn weka wê bi xwe bû. Ji bîr nekin ku ez di xortaniya xwede hostayê kelhabûm hûn bawer nakin jixwere bi pirsin. Niha ku ez jiwere bêjim kelha Nîron ya Qiralê Roma min çêkiriye dibê ku hûn yeqîn nekin lê ezê ji were bêjim ku ne tenê kelha Nîron min bi va destê xwe kevir bi kevir daniye ser hev û birca Belek û pira Bafit jî min bi va desta lê kirine vêce hûn bawer dikin hûn bawer nakin hûn bi dilê xwe ne.. ka ezê çawe Gulzêrînê ji wê kelhê bi revînim. Wele ez di dora kelhêre çûm û hatim birastî min tiştek ji wê kelhê fêm nekir. Bawerkin ez şeş roja yan heft roja li dora kelhêre çûme û hatime min nizanî ka ezê çawe derbasî kelhê bibim. Ya rebî ya îlahî ezê çikim…!! Rojekî bi hilata rojê re mindî dengê teyrekî ji va teyrê kurdê kelaşa hat wele bi lez ez li dora kelhê geram mindî wa hêlîna wî teyrî wê li ser kelhêye û teyîr ji hêlîna xwe rabû û çû ser kaniyê wê avê vexwê û ji çêlîkê xwere bînê.. wele ez çûm li ser devê kaniyê min çalek jixwere kula û min xwe têde veşart.. dema ku teyîr hate ser kaniyê û av vexwar min jixwere got: heywane gunehe bila têr ava xwe vexweê ezê nûka xwe bi herdû lingê wî bigrim wê min bibê ser kelhê.. wele beriya ku teyrê min bi firê min xwe zerkire lingê wî. Çaxê ku min bi lingê teyîr girt bi emrê Xwedê ew Teyîr bi min re axivî got: bijê bavê Hisên xwesteka te çiye bêjê ez ji tere amademe…?? Bi serê we çaxê ku ew heywan bi min re axivî wek ku tu cerek ava zozana di çilê çilde bi serê min de bikim ez mama cemidî di cihê xwe de…. ev heywanê Xwedê çawe wek mirovekî bi min re axivî û ji ku navê min dizanê.. wele min jêre çîroka xwe ji serê wê ta binê wê ji wî lawirê Xwedê re got: yek ya Xwedê bêjê wî lawirî ji minre got: ma ne tuyî bavê Hisênî!? Min jêre got: belê ezim. Xwedê heye Teyîr herdû çengê xwe ji min re vekirin û got: siwar be Gulzêrînê li benda teye. Wele ez li ser çengê Teyîr rûnştim û Teyîrê gewir firek da xwe ez birim li ser kelhê danîm û ez daketime oda Gulê min ewjî anî ser kelhê û cardî Teyîrê me herdû çengê xwe vekirin ez û Gulzêrîn li ser çengê Teyîr siwar bûn û Teyîrê gewir em li beriya Mêrdînê danîn… Yanî tiştê ku vê evda Xwedê bi min re dîtî kesî nedîtiye.Piştî ku we zanî min bi çi îzayî diya Hisên aniye ezê jiwere bêjim sipehîtahiya wê çaweye lê divê hûn bêjin ka diya Hisên hêjabû ta ku min ewqas îza pêre dît yan na..!!?? Birano ez ji we naveşêrim û tiştê heyî ezê bi nav û nîşan bikim û çi çêdibê ber bibê mirin yeke nabê dido… diya Hisşn jineke bê gotin ev ne ciyê seknêye nexasim ji dûrve bejnek bilin mêranî li ser vê evda Xwedê ye jinê weka wê min di heyata xwede ne dîtine û ez bawer nakim ku kesî ji wejî dîtibin porek reş lib libî xwe li gozekê wê didê ji dûrahiya Kîlo mirekî mirov dikarê bijmêrê hema her mirov di xwazê ji dûreve li bejna wê binêrê…mane ji xwe we diya Hisên ne dîtiye û ez bawerim pir zore dîtina diya Hisên. Lê yek ya Xwedê bêjê hin qusûrê wê hene gelek camêrê weka we ji min re digotin ev ne qusûrin lê ez dibêjim qusûrin nizanim ka hûnê çibêjin…!? yabo qusûrê wê evin: lêva wêya xwar ji ya jêr dirêjtire biqasî di santîma yanî mirov nanekî tenûrê deynê ser lêva wê ew nana nakevê erdê û wê xwe li ser lêva wê bigrê û xuya dikê diya Hisên di zarokiya xwe de bi xuriya ketibû û rûyê wê tev şûna xuriya ye û mijankê çavê wê di weşin û birhê wê wek yê zilamane gelekî dirêjin qirik pêve nîne qirka wê di qêlikde ye wek ya berêze bêvila wê wek bacaneke reşe ya dawiya aviya ye û dema ku ji diya xwere çêbûye sîvanoka wê ji cihê xwe derketibû ji lewma dema ku bi rêve diçê hinekî di licimê û henekî çavê wêjî beqin ji lewma dema ku di razê çavê wê nayêne girtin û tim vekirîne wele devê wêjî weka devê kiwara genim xwarina ku wê xwarî derdikevê û ew di xewde evin wekî dî tubî qusûr lê nînin vêce ka hûn çi dibêjin…!?
ka em binêrin çima çavê diya Hisên kezeba min dilê min roniya herdû çavê min bûne pizotek ji xwînê….
