Azer Osî
Xweziya xwe,bi xwe tînim
û xweziya te, di odeya qehfê xwe de,
ava dikim
Razên te bi libên xunavê re,
çavên ziwabûyî kil dikim.
Hûnin ….we her dem,
di xewn, xew,
û tenahiya xwe de,
dibînim.
Li min hûn, bi wêneyên xwe,
barê jînê sivik dikin.
Bi we heme,
û dilê min
mîna deşta Heranê, û beriya Mêrdînê
bi bîranînên we, fireh dibe.
kî dizane çi didim?
û wê nizanibin çi didim?
fêrmiskên pîroz ji boyî we dibarînim,
helbestên xweş mîna xweşikbûna we,
dinivîsînim.
çûkên we, bi bayê evîna min re,
difirin
û xwe
li diyarê biyaniyê biyanî nabînin.
Dê werin, û li palên çiyê hêviyên xwe
di çavên zarokên rojê de bibînin
ta ku ew sirûdên niştimaniyê
di eniya Ezman de bi navên we,
tomar bikin
û li dibistanên we,
bêyî tirs,
ji dana we dayî
ya diyan we dayî,
mezin bibin.
di xewn, xew,
û tenahiya xwe de,
dibînim.
Li min hûn, bi wêneyên xwe,
barê jînê sivik dikin.
Bi we heme,
û dilê min
mîna deşta Heranê, û beriya Mêrdînê
bi bîranînên we, fireh dibe.
kî dizane çi didim?
û wê nizanibin çi didim?
fêrmiskên pîroz ji boyî we dibarînim,
helbestên xweş mîna xweşikbûna we,
dinivîsînim.
çûkên we, bi bayê evîna min re,
difirin
û xwe
li diyarê biyaniyê biyanî nabînin.
Dê werin, û li palên çiyê hêviyên xwe
di çavên zarokên rojê de bibînin
ta ku ew sirûdên niştimaniyê
di eniya Ezman de bi navên we,
tomar bikin
û li dibistanên we,
bêyî tirs,
ji dana we dayî
ya diyan we dayî,
mezin bibin.
Elmanya
2.5. 2009
