Welatê me
Di roja 7/4/2008 seet 16.26 an li gor dema Uropa, girûpek ji hackerên tirkan derbasî beşek ji rûpela kontrola malpera amude.com bûn, û karîn berê serdançiyên malperê bidin malpereka propagandayê ji tirkan re, lê rêveberiya malpera amude karî piştî demek kin carek din berê serdançiya ji wê malpera tirkan vegerînin malpera amude, lê ta niha malperê dest bi weşana xwe ya normal ne kiriye.
Ji dema pêkanina sîstema nû ya malpera Amude di Adara 2004ê de u ta niha gelek êrîş li dijî Malpera Amude hatin kirin, lê bi ser neketin.
Ev yekemin car e ku êrîşa li dijî malperê bi ser dikeve. Sedema serketina êrîşê kêmasiyek di programa malperê de bû, kû êrîşkeran ew piştî 16 seetan ji êrîşên berdewam dîtin u ji bo êrişa xwe bi kar anîi. êrîşker karî derbasî rûpela kontrolê ya malperê bibin, lê nekarî ziyaneke mezin pêk bînin, ji ber ew tenê derbasî beşekî biçûk ji rûpela kontrolê bûn. êrîşkeran program u virusên ku ji bo êrîşên bi vî rengî hatine amadekirin, bi kar anîne. ji bo agahiyên berfireh, fermo li Daxuyaniya me binerin: (www.amude.com)
Gelo we karî nasbikin bê ev girûpa hackerên tirk ji kîjan deverê derbasî malpera amude bûn e ?
Devera kû êrîş jê hatiye pêkanîn, ne diyar e. Tenê polîs dikarin vê deverê eşkere bikin. Lê ji ber kû êrîşên li dijî malperan pir in û malpereke kurdî ji polîsan re ne zêde giring e, ew serê xwe naêşînin.
Ta çi radeyê vê êrîşê ziyan gihandiye malperê ?
Ti ziyan negihaye Malpera Amude. Hemû fayl li ciyê xwe ne u erşîv ji nehatin têkbirin. Sedema we yeke ew e ku programa Malpera Amude taybeti ye u li ti deverên din peyda nabe. Loma êrîşker ne bi dijwarî dikarin nas bikin bê di kîjan rêyan re êrîşî malperê bikin, da ku malperê bi temamî têk bibin. Lê programên herî xurt jî, ji êrîşan ne ewle ne.
Çi şîretên we hene ji bo rêveberê malperên kurdî , jibo kû xwe bi parêzin dijî êrîşên van girûpê hackirinê ?
Divê birêvbirên malperên kurdî tim hişyar bin. Kesên kû programên belaş bi kar tînin, divê programên xwe tim nû bikin u kêmasiyan rakin.
