Ji bo piştrastkirina berpirsiyariya me ya civakî û rêzgirtina me ya tam ji serweriya qanûnê li Komara Federal a Almanyayê, em wekî civaka Kurd û rêxistinên sivîl û civakî yên ku vê daxuyaniyê îmze dikin, van xalên jêrîn radigihînin:
1. Redkirina eşkere ya tehrîbkarî û tundûtûjiyê
Em her cure tehrîbkarî, wêrankirin, serhildan û tundûtûjiyê bi awayekî eşkere red dikin. Her wiha, em beşdarbûna di her xwepêşandan an çalakiyekê de ku tê de tevgerên tundûtûjiyê, wêrankirin an kiryarên ku ewlehiya giştî û nîzama giştî li Almanyayê dixin xeterê, bi tundî red dikin.
2. Berpirsiyariya me li hember civaka Alman
Almanya di rabirdûyê de bûye û niha jî wekî cihê ewle yê penaberiyê dimîne, ku bi sedan hezaran koçber û penaber pêşwazî kirine û ewlekarî, parastin û rûmet daye wan. Parastina ewlehiya vî welatî, îstîqrara wî û aştiya civakî berpirsiyariyeke exlaqî û mirovî ye ku hemû me li ser xwe digirin.
3. Bangewazî ji bo rêzgirtina qanûnê û derbirîna aştiyane
Em tekez dikin ku tevgerên takekesî yên li dijî qanûnê û kiryarên neqanûnî ne nûnertiya civaka Kurd dikin û ne jî nûnertiya rêxistinên wê yên sivîl. Em bang li hemû endamên civaka xwe dikin ku bi tevahî rêzê ji qanûnên di meriyetê de bigirin û daxwaz û helwesta xwe bi awayên aştiyane û qanûnî derbirînin, bi awayekî ku nirx û prensîbên me û rêzgirtina me ji civaka ku em tê de dijîn nîşan bide.
Em tekez dikin ku em ê beşdarî tu kiryarekê nebin ku ewlehiya giştî dixe xeterê, û em bi awayekî eşkere her kiryarekê red dikin ku zirarê digihîne ewlehî û îstîqrara Almanyayê.
Bangewazî ji bo îmzekirinê
Em bang li hemû rêxistinên ku dixwazin piştgiriyê bidin vê daxuyaniyê û wê îmze bikin dikin ku tenê navê rêxistina xwe û logoya wê bişînin, da ku wekî îmzekarên vê daxuyaniyê bên zêdekirin.
Şîrove (0)