Dildar Aştî
Li rê bûm
Peyv zîpik bûn
Li laşê di tayê de dipengizîn…
Min şopa tajangên sert
Li nav qolincên oxirê di şopand
Bi êşê hestiyar dibûm…
Ê din hebûn
Bi dîlanê mijûl bûn
Bi halanê…
Min qûnaxa di navbera dijberan
de dipîvand…
Li ser pêlên Leylanê
Min pirsa xwe bi saw dişand…
Ka çendî,
Ez nêzîkî agirê rastiyê me ?!..
Çendî dûrî,
Çirava xiniziyê me ?!..
Li wêderê
Şewatê bê mihrevanî
Deşta min dabû ber xwe
Zevî diçimandin
Simbil dilehfirandin!…
Ez hatime vêderê
Keysebazan dibînim
Çawa rûpoşan diguherînin
Û dengê xwe
Li gor bayê reş saz dikin…
Lê nikarim
Kaniyan ker û lal bikim
Kulîlkan di axê de bimeritînim
Ez bi vê baweriyê
Berê xwe didim felekê…
Giyayê jiyanê peyda dikim
Li dildaran
Li hejarên vê herêmê belav dikim!…
27/4/2026.
