Hejmara (26) a kovara Şermola ya wêjeyî û çandî ku bi zimanê kurdî û erebî tê weşandin, derket.
Dosyaya vê hejmarê ” Çapemeniya Kaxezî li Sûriyeya Nû” ye , li ser vê mijarê çend nivîskar û rewşenbîr nêrînên xwe anîn ziman..
“raza serkeftin û domandina her rojname yan kovareke çapkirî, ew e ku polîtîkayên wê yên weşanê divê êşên civakê û kolana Sûriyeyê bidin ber çavê xwe, her wiha bibe dengê azad li hember polîtîkayên zordar an jî dûrxistinê ji aliyê her rêjîm an rêveberiyê ve û bibe amûrek ji bo yekkirina Sûriyên ji etnîk û ol û baweriyên cuda. Her wisa, divê atmosfereke çapemeniya azad hebe ji hemû gelên Sûriyeyê re, bi zimanên xwe yên dayikê (erebî, kurdî, sûryanî û hwd.) destûr hebe ku rojname û kovaran derxînin.
Krîza ku çapemeniya siyasî ya kaxezî li Sûriyeyê tê re derbas dibe, bi awayekî mezin bandorê li erk û misyonên wê yên ku pêwîst e xwedî bandor be li ser raya giştî, dike. Ji ber vê, em bi awayekî zû û cidî hewcedarên çareseriyên lezgîn in, ji bo ku em karibin vê rewşê derbas bikin û çapemeniya siyasî pêş bixin”.
Her wiha di hejmarê de çend nivîsên wêjeyî û çandî ku ji aliyê nivîskarên Rojavayê Kurdistanê ve hatine nivîsîn, hene.
Hejmara (26) a kovara Şermola 184 rûpel in, bi kurdî û erebî hatiye çapkirin.
Di beşa kurdî de ev berhem hene:
pêşekî
– Rojnamegeriya Kaxezî li Sûriyeya Nû .. (Desteya Sernivîskariyê)
Dosyaya Hejmarê (Rojnamegeriya Kaxezî li Sûriyeya Nû)
– Despêka Rojnamegerî û Nivîsîna Kurmancî li Sûriyê.. (Berzo Mehmûd
– Komunîkasyon, Ragihandin û Dîroka Ragihandina Kurdî.. (Beşîrê Mele Newaf)
– Di Serdema Lezbûnê de; Parastina Rojnamegeriya Kaxezî.. (Esma Mistefa)
Hevpeyvîna Hejmarê
– Li gel nivîskar Nêrgiz Ismayîl e (Hevpeyvîner: Aram Hesen)
Lêkolîn
– Ji helbestên Melayê Cizîrî: DÎSA JI NÛ BÊHAL E DIL .. (Diyar Bohtî)
Pirtûk
-Danasîna Romana“Dê û Dêmarî” .. (Siltana Eto)
Wergeradin
– 9 Helbestên Charles Simić .. (Azad Ekkaş)
Huner
-Birîn .. (Xelîl Tehlo)
-Sînemaya Kurdî.. Çeka Aştiyane .. (Hişyar Murad)
Serbest
-Bîrdoziya (teoriya) Nûjen a Wergerê .. (Osman Ehmed)
Çîrok
– Peyv Ji Êşê Herifîn.. (Necah Ibrahîm)
Helbest
– Hindek Tişt Wisa Man, Çimkî Kesî Çi li Ser Negot.. (Cîhad Mistefa)
Şîrove (0)