Di vê rojê de, dema ku em Roja Zimanê Kurdî pîroz dikin, em di Kampanyaya Azadî de tekezî li ser statûya zimanê Kurdî weke stûneke bingehîn a nasnameya çandî ya gelê Kurd dikin û weke pireke ku nifşan bi hev ve girê dide û bîranîna têkoşîneke dirêj a rûmet, naskirin û azadiyê di nava xwe de hildigire.
Bi dehsalan, zimanê kurdî li Sûriyê tûşî paşketin û paşveçûneke sîstematîk bûye, weke beşek ji siyasetên ku bi milyonan Kurd ji mafê wan ê xwezayî yê fêrbûna zimanê xwe yê dayikê û bi azadî pêkanîna çanda xwe bêpar kirine. Di dema ku Sûriye derbasî qonaxeke nû ya lêgerîna çareseriyên siyasî yên dadmend dibe, em di wê baweriyê de ne ku Zimanê Kurdî wek yek ji zimanên fermî di destûra Sûriyê de, ne tenê pêdiviyeke çandî ye, lê mafekî niştimanî û mirovî ye ku civakeke piralî ku rêzê li hemû pêkhateyên xwe digire.
Naskirina destûra bingehîn a zimanê kurdî beşek ji pêvajoya pêkanîna dadweriya veguhêz û garantîkirina mafên zimanî û çandî yên gelan e. Ev nêrîna Sûriyeyeke demokratîk, sivîl û pir nasname ye, ku tê de hemû Sûriyeyî bi rûmet û wekhevî bijîn.
Bi vê boneyê em bang li hemû hêzên siyasî û sivîl, yên Sûrî û navdewletî dikin, ku piştgirîya vê daxwaza dadmend bikin, ji bo rakirina hemû cûreyên cudahiya zimanî û çandî, û rê li ber ku Zimanê Kurdî cihê xwe yê xwezayî di saziyên perwerde, ragihandin û îdarî de bigire, bixebitin.
Her sal gelê me di xêr û xweşiyê de bimîne.
Her sal zimanê me zêdetir nêzî naskirin û azadiyê be.
Kampanya Azadî
15 Gulan 2025
