Ebdilmecît Şêxo
Birîna min devliken e
Hêviyan di dilê xwe de
Tev gulên spî diçîne
Di nav zîpêkên reş de
Destên xwe dide hevalên xwe
Û bi hev re bîst û yek mûman
Di şikevtên bîreweriyê de
vêdixînin.
Birîna min sipî ye
Bêhna berfa çiyaya Hawarê
Û çêja henarên Basutê
Ji nav lêvên wê diherikin
Carekê mîna kotireke sêwî
Dike nalîn
Carekê mîna hechecokê
Ji hevalên xwe re distirê.
Birîna min evîndar e
Ewa hîn bi stêrkên
Bajarê xwe re dikene
Bi çavên xwe bi zarokên penaber re dilîze
Û bi pîrejinên gundê xwe re
Qehwa sibê vedixwe.
Birîna min cevakêş e
Guh nade segê bi êş e
Bi çavên xwe daran vedijîne
Zarokên berşîr dimêjîne
Bi axînên xwe pêlkên bukan
Vedihûne.
Birîna min pîdar e
Ji kaniya hestên min dinûşîne
Ji xewnerojên min keskesorê
Li ezmana sêwiyan çêdike
Û welatekî di gewriya xwe de ava dike.
Birîna min, ne mîna birînan e
Birîna min bi du dilan e
Dilek dihêşe
Dilek bi serdemê dikene.
Her pelek ji darên zamdar
Di şevên tarî de ji birîna min
Straneke Bavê Seleh distirê
Û bi xûnava xwe porên bûkên
Sêwî şeh dike.
Her hîmek ji çiyayê min
Bi nalîna xwe
Bi bayên xwe
Bi kenînên xwe
Dilên çelmisî geş dike.
Her zerkek av ji kaniyên
Dilên evîndar
Birîna min derman dike
Her mistek ji baweşînên
Darên zeytunê
Baskên min dilşah dike
Û birîna min derman dike
Her keçek ,her xortek,
Di kolana min de
Bi zarok û pîran re seyranê dikin
Birîna min dikene û dimiçiqe
Birîna dilê min efsaneya serdemê ye
Bi istêrkên darên sêwî re
Strana (Evîna Welat)
(Efrîn bûkek delal e)
distirê
Ev e nasnameya birîna min !
Û çêja henarên Basutê
Ji nav lêvên wê diherikin
Carekê mîna kotireke sêwî
Dike nalîn
Carekê mîna hechecokê
Ji hevalên xwe re distirê.
Birîna min evîndar e
Ewa hîn bi stêrkên
Bajarê xwe re dikene
Bi çavên xwe bi zarokên penaber re dilîze
Û bi pîrejinên gundê xwe re
Qehwa sibê vedixwe.
Birîna min cevakêş e
Guh nade segê bi êş e
Bi çavên xwe daran vedijîne
Zarokên berşîr dimêjîne
Bi axînên xwe pêlkên bukan
Vedihûne.
Birîna min pîdar e
Ji kaniya hestên min dinûşîne
Ji xewnerojên min keskesorê
Li ezmana sêwiyan çêdike
Û welatekî di gewriya xwe de ava dike.
Birîna min, ne mîna birînan e
Birîna min bi du dilan e
Dilek dihêşe
Dilek bi serdemê dikene.
Her pelek ji darên zamdar
Di şevên tarî de ji birîna min
Straneke Bavê Seleh distirê
Û bi xûnava xwe porên bûkên
Sêwî şeh dike.
Her hîmek ji çiyayê min
Bi nalîna xwe
Bi bayên xwe
Bi kenînên xwe
Dilên çelmisî geş dike.
Her zerkek av ji kaniyên
Dilên evîndar
Birîna min derman dike
Her mistek ji baweşînên
Darên zeytunê
Baskên min dilşah dike
Û birîna min derman dike
Her keçek ,her xortek,
Di kolana min de
Bi zarok û pîran re seyranê dikin
Birîna min dikene û dimiçiqe
Birîna dilê min efsaneya serdemê ye
Bi istêrkên darên sêwî re
Strana (Evîna Welat)
(Efrîn bûkek delal e)
distirê
Ev e nasnameya birîna min !
Efrîn,2019
