12 ê Adar a 2004 ran

Lewend Dalînî

Li ser agirê qurme dareke guwîza,
Tûrikê derd û mitalan,
Min şewitand….
Û ên mayî jî…Bi Misasa
Cotkarekî, min bin ax kirin

Li Nûrşîn û Tekîyên Neqişbendîyan,
Nivişt û bazbendên ji bîrkirinê,
Ji min re dane çêkirin…
Û min wergirtin

Ne qebe qeba kewekî,
Li ser lateke
Çiyayê Tora Hevêrka,
Û ne jî bêhna Sosin û Endekoyên,
Sîpan ê Xelat ê
Di karîbûn zû bi zû,
Giyan li canê min
Ji nûv re
Swarbikin

Weke sawîrekî nîv mirî,
Di dîmahîka wundabûnek ê de,
Kû dirîyên sînora,
Xwe ji xwîna damaran sor kiribûn !!??
Ji xewneke xemgînî,
Şiyar bûm!
Û dengê strana:
            Ey welat welat
            Ey zalim welat
Hate guhê min….
Û mat mayî….
Dîsa ez pûnijîm…

12 ê Adarê 2020,
Elmanîya