Ebdilmecît Şêxo
Rûmeta min tî ye
Bîriya ava Buharê kiriye
Bîriya baweşînên darên min kiriye
Bîriya stranên dayika min
Cemîl Horo, bavê Selah kiriye.
Rûmeta min tî ye
Bêriya destanên dildaran
Şepalên serdema xwe kiriye
Bêriya dîlbera Cegerxwîn
Û Şêrko Bêkes kiriye.
Şepalên serdema xwe kiriye
Bêriya dîlbera Cegerxwîn
Û Şêrko Bêkes kiriye.
Rûmeta min tî ye
Peyvên min avis bûne
Ez nizanim !
Ez ji Ahoramezda dipirsim
Ez çi navan
Li bûkên peyvên xwe
Bikim?.
Kûzên avê kaniyan
Kevirên koşeyên xaniyan
Daraên hecîrê di hewşa min de
Hemû rêyên bajarê min
Daylanan govendan
Şîlanên çiyan
Leylanên keçpêrî
Li rûmeta windayî digerin.
Lê rûmeta min tî ye
Şepolên evîna min
Bi pêlên çemê Efrînê re
Li ber baweşînên çiyayê Lêlûnê re
Semayê dikin.
Lê rûmeta min tîîîî ye .
