JIYAN“ Insyativa navnetewî ya jinen kurd li dijî tawanên rûmetê, konferensa xwe ya damezirandinê ya yekemîn li bajarê Langenhagen/Hannover, Elmaniya di roja 30.06.2007an de lidarxist. Komelek jinên kurd ji hemû parçên Kurdistanê û herwiha hin jinên ereb û elman ji gelek bajarên elmanyayê, yên ku di warên cûrecûr de kar dikin: wekî Rojnamevan, Rawêjgêrên Civaki, Mafnas, Mamosta, Endezyar û Çalakvanên rêxistinên jinan û hinin din, di konferensê beşdarbibûn.
Di cihê deqeke bê deng de, ku „bêdengî“ ji mêj ve di jiyana jina kurd ye, konferensê bi vêxistina mûman ji aliyê her jinê ve li ser giyanên gorî û qurbaniyên vê diyardeyê û weke symbol, bo destpêka ronîkirina riyeke tarî di jiyana gelê me yê kurd de destpêkir.
Piştî bixêrhatina beşdar û mêvanan movik û xalên bernameya kar hatin pejirandin. Konfirans, bi şêweyekî fermî, karûbarên xwe berdewamkir
Pêwîstirîn xalên ku giftugo li ser wan hatin kirin,di civînên konfiransê de ev bûn:
– Destnîşankirina sedemên dîrokî yên ku hiştin ev bad-diyarde li herêma Kurdistanê belav bibe û bimîne û berdewambibe hemberî hemû guhertin û veguhestinên dirokî, geografî û siyasetmedarî, ne weha tenê , lê kok û rehên wê di nav miletê kurd de, li derve û hundirê kurdistanê de xurtir, mukumtir û belavtir bûn.
Derketina vê diyardeyê, bi xurtî, di van demên dawî de, vedigere peydabûna alavên rageyandina kurdî , bi qasî ku alavên ragihandinê dikarîbûn diyardeya kuştina jinê bi navê namûsê di nav kurdan de derxînin holê lê tirs heye ku rolekê bilîzin ku bihêle ev diyarde bêhtir belavbibe an were bikaranîn bi awayên ku li dij jinê û li dij komelgeha kurdî be eger rahiştina vê diyadeyê nekeve çarçoveyeke rast û durust bo peydakirina çaresazîyên rasteqîne û şayîst. Ji ber vê yekê pêwîstî bi damezrandina saziyeke jinan heye bi tevlîbûna jinên kurd û ne kurd, yên ku bi vê babetê mijûl, haydar û peywendar in, daku ked tekoşînên xwe bi gishtî terxani xizmeta jina kurd bikin, û bi taybetî li dijî kuştina jinan bi nave namûsê bikarbînin. Bo vê yekê ew dikarin ji demokrasiya li ewropa û haydariya hikumetên ewropî bi vê mijarê ve di van salên dawî de mifayê bistînin û hewldana alîkariya qurbanên vê diyardeyê bikin û zagonên navxweyî û navneteweyî li dijî diyardeya kuştina jinê bicihbînin.
– Pirojeya Peyrewa Navxweyî hate danîn û pejirandin pishtî geftugokirina naveroka wê û biservekirina armancên ku hatin pêşniyarkirin û dengdan li ser xalên ku firehnerîn li ser wan hebûn hat kir.
Li vir hin nimûne, ji wan xalan ku firehnerîn li ser wan hebîn::
– Armanca bingehîn a Insiyativê dijîtiya kuştina jinan bi navê namûsê ye di riya dijberiya sedemên ku li dû vê tawanê ne, wek: Zewac“hevseri“ ya bi zorê û zewac“hevseri“ya di temenkî biçûk de, berî ku keç karibe biryareke rast û durust bo zewac a xwe bide û herwiha dijberî hemberî nezanîn û paşketinê bi giştî û herwiha bilinkirina asta hoşyariya jina kurd bi xwe û bi mafên xwe di şêwe û awayên berfireh, yên ku andamên Insiyativê û dost û piştgirên wê bibînin şayist.
– Li gorî biryara piraniya jinan endametiya Insiyativê tenê bo jinên temenên wan di ser 18 salan re ye, bi pêçandina nerînê li ser netewe yan li ser welatê pêshî yên endaman. Endamtiya Insiyativê bi jinan tenê ve girêdayîye, mafê mêran tune bibin endam û xwedîyên mafên hilbijartin û dengdanê bin, lê ew dikarin hemû cûreyên alîkariyên dîtber û razber bi Insiyativê re bikin û tevlî hemû çalakiyên wê bibin û Insiyativ bo tekozkirin û pêşvebirina kar û çalakiyên xwe dikare mifayê ji raman û pêşniyarên wan werbigre.
Di dawiyê de, komîteya kargêr a ku ji 7 endama ye,bi vî awayê jêrîn hate helbijartin:
Rawêjgêra komelayetî: Farha Khalil: Sekretêr
Rojnamevan Ala Ahmad: Cîgira Sekretêr
Mafnas Muna Mustafa : Cîgira sekretêr
Û çar endamên din, ew jî ev in:
Endizyar: Amal Şann,
Inana Othman.
Behija Salih
Altey Bischof
Herwiha çar komîte bo rêvebiriya karê Insiyativê hatin sazkirin:
-Komîteyek bo pêwendiyan bi saziyên elman ên jinan, mafperwer û siyasetmedar re.
-Komîteyek bo pêwendiyan bi rêxistinên kurdî yên jinan, mafperwer û siyasetmedar re.
-Komîteyek bo bingehdanîn û rêvebiriya malpera Insiyativê .
-Komîteyek bo bi dawîkirina peyrewa navxweyî û karubarên rêxistinî û diravî yên Insiyativê.
Em ê, di seretaya karên xwe de, Bîro“nivîsgeh“a alikariya jinan li dij tunditîya malbatî ya li bajarê Langenhagen: Frauen Notruf Langenhagen, Ostpassage 9, 30353 Langenhagen
bi karbînin û em ê telfonên jinên ku hewcedarî alîkarîyê ne li ser evê jimarê bigrin:
Tel.: 0049-511-7240505 her pêncşem ji saet: 09:00 ta saet: 12:00 an di riya evê E-Mail de: jinenazad@yahoo.de
