XAYIZBÛN

  Hozanê Girkundê

Her ko surişa
evîna te
Pirsa hebûna xwe
ji dil dike
di wê hingêde
xayiz dibim
babelîskên dînoke
min tewş dikin
û xwe li min di pêçe

her ko pêjna
xwe tevlî min
û şeva sar dike
di wê hingê de
di bim parsekê
maçan û lavahîyê
dikim ji lêvên te…
her ko bîranînên te
keştîya xwe
li delavê
nîgaşên min de
bi cî dike
di wê hingê de
di landika
himêza te de
dibim zarokekî
bi şêl û pêl
û ji xewê şiyar
dikim memikên te…