Îbrahîm GUCLUSekreterê TEVKURDê
Endamê Meclîsa TEVKURê Zilkûf ÖZEL, endamên Unîteya (Yekîniya) TEVKURDê li Amedê parêzer Muzaffer TOY, M. Kemal OK, Nusret Laçin di 30. 10. 2007 de piştî seet 18.00-an ji aliyê polîs de hatin binçav kirin.
Ev berpirsiyarên TEVKURDê ji bo civîna çapemenî ya Meclîsa TEVKURDê (31. 10. 2007) bang/vexwandin di nav gel de û di kolonan de belav dikirin.
Wek ji reya giştî re jî diyar bûye, Meclîsa TEVKURDê dê di derbarê siyaseta dewleta tirk ya êrişker ya li dijî neteweya kurd û Herêma Federe ya Kurdistanê de bîr û reyên xwe bi riya çapemenî, bi reya giştî re parve bike: Bi tevayî ew êrişên nîjadperest yên rojên dawî li hemberî kurdan li metropolan û Kurdistanê hatine holê, bi taybetî siyaseta şerê giştî ya dewleta tirk li hemberî neteweya kurd protesto û rûreş bike.
Ev binçavkirina berpirsiyarên TEVKURDê destnîşan û parçeyek ji siyaseta êrişker ya dewletê ye.
Diyar e ku Tirkiyeyê her çiqas ji demokrasî û ji endametiya Yekîtiya Ewrupayê jî behs bike, ji standartên hevdemî, demokrasiyê û Yekîtiya Ewrupayê/Krîterên Kopenhagê gelek dûr e.
Tirkiye, ji maf/azadiyên mirov û gruban, ji azadiya xweîfadekirin û rêxistinî re rêz nagre. Di sedsala 21-an de ev yeka bi serê xwe him pirsgirêkeke mezin e û him jî rûreşiyek e.
Amed, 30. 10. 2007
Îbrahîm GUCLU
Sekreterê TEVKURDê
