BIRÛSKÊN SERSAXIYÊ

Kurdan berê gotiye:mirovê baş zû dimirin!belê, bi koçkirina mirovê dilnazik û bi rûmet Bavê Kawa, dilê me hemiyan tevizî û rondik di zoyên çavan de sekinîn.Ew mirovê pak û demokrat ku bi herkesî re rûken û dilfireh bû, jinişkave ji nav me barkir.Xemgînî xist dilê me de û em tenê hiştin.Lê, ne bi destên wî û ne bi destê kesî ve tê ku xwe ji mirinê biparêzin…mirina ko li pêşiya her yekî ji me heye.
Bi vê boneya xemgîn û diltezîn, ko gotin bê sûde dibin li hemberî wê, sersaxiya partî û dost û malbata rehmetiyê qedirbilind dikim û dibêjim bila serê we û serê dost û malbata wî sax be!
Ciyê Bavê Kawa buhişt be .
Serê milletê kurd sax be !
Nivîskar Besam Mistefa / Hewlêr
—————-
Partiya Demoqrata Kurd li Sûriyê-Partî
Malbata rehmetiyê birûmet
Gelê me yê kurd li Sûriyê

Bê guman, derdê jidestxistina mirovekî dilsoz û wefadar û demoqrat, ku raya yê bermaberê xwe bi demokasiyeke here mezin digirt  weke rehmetiyê hêja û xebatkarê komîteya navçeyî ya Partî, û berpirsê nûsîngeha Maf li Hewlêrê Mihemmed Emîn Mihemmed Bavê Kawa ..derdekî giran e, nexasime ku min bi mirina Bavê Kawa di rûdana trafîkiya xeddar de li ser riya Hewlêr-Pîrmamê bira û hevalekî here nêzîk ji dest da .
Helbet, ez li vir sersaxiya xwe tevî ya gelê xwe û malbata rehmetiyê hêja dikim, û di derbarê mirina ku li pêşiya her mirovekî ye, tenê dilovaniyê ji rehmetî re dixwazim û xwedê dilê gel, dost û malbata wî rehet bike .
Serê milletê kurd sax be !

Hunermend Kamîran Ibrahîm/Hewlêr
11/2/2007

—————
Malbat , dost û hevalên ,  şehîdê nemir , Mihemed Emîn Mihemed ,
Serokatiya / PDK/ ê li Sûriyê ,
Hezkerên mirov û mirovahîyê …
1 ê sibata Hewlêrê û 12 Adara Qamişlo , hevcêwîyên hevin , di navbera wan de , birayetiya xak û xwînê hatiye tomar kirin , li şûna xwîna Şêrên leheng û xortên ciwan kaj û sipîndar şînhatine .
Qederê , kekê Mihemed Emîn Mihemed ji pêvajoya vî karwanê nemir , bê par nehişt , ew pêvajoya ku di jiyana xwe de , mîna Kurdperwerekî leheng dabû ser , di koçkirinê de jî , her ew ma li pey doza vê pêvajoya pîroz  .
Bi pênûsa xwe , bi çalakiyên xwe , bi mirovahiya xwe , qêrînên welat û miletê xwe li ser milekî danî , û li ser milê din , kefenê zilim û zor û setemkariya dijwar  hilgirtibû .
Bi dilekî birîndar em ji we re dibêjin :
Bela serê we saxbe , em di wê baweriyê de ne , ku mirovên mîna kekê Mihemed Emîn Mihemed , li nav miletê xwe wê zindî be , ne mirî be …
Ji xudanê dilovan bi hêvîne ku cihê kekê Mihemed Emîn , û hemû şehîdên Kurdistanê , şehîdên rêka felat û azadiyê , rêka tenahî û mirovahîyê ,  buhişta ezel be .
Careke din serê we saxbe , di gel rêz û silavên gerim …
Xuşka we
Bêwar Brahîm
Nûnera navenda / PEN / a Kurd , li Başûrê-Rojavyê wlêt
Qamişlo
12 / 02 / 2007

——————-
Bi dilekî kul u xemgîn, min nuçeya mirina berêz Mihemed Amîn bavê Kawa bihîst.
 Bi rastî , çûna berêz ser dilovanya xwe di vê demêde, dorandineke,xesareteke mezine ji tevgera kurd re, u ji dost û hevalên wî di Hevgirtina Gelde, u di Parti de.
 Silav li canê şehîd re, u sersaxî ji malbata wîre.
 
 DR.Gamcheed Abdul Kareem
   POLONYA
——————-
Birayên hêja:
Serkird û endamên Partiya Demoqrata kurd li Sûriyê ( Alpartî )
Rêxistina Mafê ya kurdî (Maf)