Birayên hêja Serkird û endamên Partiya Demoqrata kurd li Sûriyê ( Alpartî )
Bi dilek kul û kovan me nûçeya koçbarkirina nivîskar û siyasetmedarê kurd Mihemed Emîn Mihemed, di bûyereka tirafîkê ya diltevzîn de, li ser rêya di navbera Hewlêr û Pîrmam de, bihîst .
Em bi navê Guropa Dêrikê ya Çanda Kurdî, xwe hevxemê we di vê rûdana diltevzîn de, dibînin. ji ber koçbarkirina wî di vê qûnaxa nazik û hestyar de, ji alîkî ve ziyaneka mezin gihande tevgera siyasî û rewşenbîrî li Rojavayê kurdistanê û ji aliyê dî ve çûna wî di vê dema zû de, zirareka mezin gihand binemala wî û birîneka kûr di jiyana wan de hêla .
Mihemed Emîn Mihemed wek ku me nasdikir nivîskar, rewşenbîr û çalakvanekê mafê mirovan yê çeleng û jêhatî bû, kar û bizavek berçav di warê berevanîkirin û parastina mafên mirovan de, dikir û herweha ked û berhemek berketî di warê geşkirin û rêxweşkirina çanda kurdî de jî, dida .
Dawiyê em serxweşiya we û binemala xwedê jêrazî dikin û ji xwedayê mezin dixwazin ku serbir û hedarê bidê heval,hogir, kes û karên wî.
cihê wî di nav qencên xwe de xweşbikê û wî bi bûhişta xwe ya pîroz şabikê .
Dêrika Hemko 11-2-2007 ê z
Guropa Dêrikê ya çanda kurdî
Şîrove (0)