Rojnama ‘’Pênûsa Nû’’ rojnameyek çandî, wêjeyî û giştî ye, bi du zimanan kurdî û erebî ji weşanên Hevbenda Nivîskar û Rojnamevanên Kurd li Sûrî, derdikeve.
Jimara 5an bi alîkariya nivîskarên me yên hêja derdikeve, ew ên ku bi nivîsandina di rojnamê de, xwedî li zimanê xwe yê kurdî derdikevin. Bi hêvya ku rojname bibe derfeta azad ji bo derbirîna fikr û bîr û boçûnên hemû nivîskaran.
Di jimara 5an de gelek nivîs û berhemên curbecur hatine weşandin. Gelek nivîskarên mîna; Ebdilsemed Mehmûd, Edîb Polat, Dr. Ehmed Xelîl, Hoşeng Broka, Lazgîn Dêrûnî, Lewend Dalînî, Lokman Polat, Mizgîn Hesko, Newaf Mîro, Serhan Îsa, Silêman Azer, Suwad Cigerxwîn, û Yehya Elewî Ferd, di rojnamê de nivîsandine.
Di rojnamê de hevpeyvînek taybet bi nivîskar û siyasetvan Can Kurd re li ser rojeva rojavayê Kurdistanê hatiye kirin. Her wiha di rojnamê de çîroka ‘’Dostaniya rast’’ ji folklora kurdî hatiye weşandin.
Me vê carê bajarê ‘’Zaxo’’ bi we daye naskirin, her wisa pirtûkên kurdî yên ku di dema dawî de hatine çap kirin. Xelîl Motkî kî ye?, me xwest em wî jî bi we bidin nasîn.
Gav bi gav em ber bi we xwendevanên hêja ve tên, bi hêvya ku hûn jî gavên pîroz ber bi zimanê xwe yê kurdî ve bavêjin, zimanê xwe bixwînin û bidin xwendin.
Zimanê me, hebûna me ye.
www.penusanu.com
07.10.2012
Desteya birêvebir a ‘’Pênûsa Nû’’
Şîrove (0)