Xûşkên hêja .Dayîkên dilovan .
Keçên şoreşger û qehreman.
Cejna we pîroz bê,bi taybetî cejna dayîkên şehîdan.
Bi navê Hevrêziya Keça Kurd Li Dêrikê,em xêrhatina we dikin.
Hersal wekî vî demî (8) avdarê,gel û miletên serbest li cîhanê ,şahiya bi vê cejnê saz dikin, û cejna jinê pîroz dikin.
Lê mixabin,îsal em ji alîkî ve,dilkul û xemgînin,ji ber kuştin,girtin û karên hovane yên ku rijêma sitemkar di derheqa gelê Sûriyê û şoreşa wî de dikê.
Lê mixabin,îsal em ji alîkî ve,dilkul û xemgînin,ji ber kuştin,girtin û karên hovane yên ku rijêma sitemkar di derheqa gelê Sûriyê û şoreşa wî de dikê.
û ji aliyê dî ve,em şad û dilgeşin ji ber îro derfeteka zêrîn ji gelê me re peyda bûye û gelê me ber bi azadî û rizgariyê ve diçê,wê bi vîna xwe mafê xwe destnîşan bikê.em hêvîdarin ji xwedayê mezin û dilovan ,ku xweşî û azadiyê,nêzîk di ser gelê me de bibarînê.
Ey keça kurd serfiraz be,tu xwendevan û helbestvanî,tu xebatkar û welat parêzî,tu kebaniya male û mamostayî,tu dayîka lehing û şêrayî,dayîka şehîd û mêxasayî.hebûna milet di hêz û hebûna we de ye,hişyarkirina te pêşketine ji xebata milet re,welat bê te qelis û kême,rise tevna welêt sist û xave.bi kar û xebata xwe tu neayî nîv mirov,tu nemayî nezan û hov.
Wek tê gotin(( jin nîvê civakê ye û bindara nîvê dî ye.))
Ji ber wê jî,rêya kar û xebatê bernede û cihê xwe bi merd û mêranî li ser wê rêyê bigire,kerwanê xebatê bişopîne.herdem azad û serbilind be,mafê xwe di bîr û ramanên xwe de saz bike û bi xurtî bixwaze,dilşad bibe,îro cejna teye,lê rojên bê daweta azadiyêye,serkeftina şoreşêye.
-Bijî xebata keça kurd.-
-Bijî rêbaza Barzaniyê nemir.
-Serkeftin ji şoreşa gelê Sûriyê re.
Sipas ji guhdariya we re.
Hevrêziya Keça Kurd Li Dêrikê
Dêrika Hemo : 8/3/2012
