Mizgîn HeskoBerî çariyekê, min ev nûçeya seyr di TV –elerabiya de xwend..ewê ragihand û got ku kombenda nivîskarên Rûs…serokê Sûryê xelat kir û balkêştirîn xelat xwe diyarî wî kir ..
Gelo ev çi pêkenoke ku di heman demê de ez kenand im û giriyand im….
Ez kenandim ji ber ku ez dibêjim ev xelat ji bo Alî Ferzat bû , yan jî ji bo Semîh Şiqêr bû
Yan jî ji bo Fedwa Suleyman bû û yan jî ji bo çalakvana kurd Hêrvîn Osê bû lê ewê bi şaşî navê Beşar Alasad bi lêv kiribû çimkî navê wî vê demê di alavên ragihandinê de pirr tête bihîstin.
Her weha heman nûçeyê ez giriyandim ….gelo eger rast be…ma diktator jî têne xelat kirin…ev bû çend sal ku wan damarên me zuha kirin û ji bilî nexweşî , jar .derd , tunekirinê û binpêkirina bîr û boçûnan… me ji wan nedîtiye…vêce çawa nivîskar qaşo xwedanên behweriyên wekheviyê , rastiyê, ,azadiyê,vê kiryara kirêt dikin.
Gelo ev çi xapînin ku cîhana sedsala bîst û yekê dorpêç kirine
Gelo kanî sozdariya romanê.helbestê. , çîrokê û hemî cureyên nivîsa bi rûmet li ber evan ziyanên qirêj û xwe firoş.
Li min bibure ey ciwaniya sozê …işev min pirtûka xwe ya bi navê Asoyekî tijî endeko qetand ..Aso çawa tijî bîna endekoyê dibe û bi rengîniya kulîlkan dagîr dibe û li welatê min xwîn gihişte kabokan û masîzarokên me di deryayeke çikiyayî de ditevizin.
Li min bibure ey tovê helbestê …işev min pênûsa xwey bejin bilin şikand….xwîşkên wê li Qahirê pirotokolên mirinê muhir dikin.
Û li vir ez ji hemî hevalên nivîskar dixwazim ku rawestin… îdî nivîskarî bûye şitleke nuh ji kokayinê û bazara kirîn û firotina wê di destên mafiya yê de ye.
Yan jî werin em pênûsên xwe rêkin e Homsê , da ku şoreşvan ji wan… darbestan çêkin Kolan bi laşên pakrewanan ( şehîdan ) tijiye.. hemî rûpelên me têra bejina wan nakin.
Werin em pirtûkên xwe yên ku nayên xwendin rêkn e Qamişlo yê..mazot nîne û zarokên me ji ber sira zivistana deyûz dilerizin ..ber dayik wan berheman me bişewitînin û li ber agirê wan hitokên xwe şîr bidin…da ku rojekê navên me bi xêr û xweşiyê bêne bilêv kirin…………….
Bibure nivîs tu ji me bêryi yî.. !
22 ê- rêbendana 2012
