LAZGÎN DÊRÛNÎ
Çalakvan û hemî pêşeng
Li paş man em bûye dereng
Bavêj milan rext û tiving
Çare nîne bê şer û ceng
Keç û xortên kurda rabin
Dem hatiye zû şiyarbin
Dest bidin hev wek birabin
Qels û nemerd ji mer nabin
Dem hatiye zû şiyarbin
Dest bidin hev wek birabin
Qels û nemerd ji mer nabin
Nekin lav lav û xweziya
Hêvî nekin ji partiya
Ev şoreş ya geleriye
Bo rûmet û azadiye
Hêvî nekin ji partiya
Ev şoreş ya geleriye
Bo rûmet û azadiye
Rewşenbîr û yên nivîskar
Mizgîn li we bûye bihar
Derkevin ji wan riyên xwar
Rola xwe rast bikin diyar
Mizgîn li we bûye bihar
Derkevin ji wan riyên xwar
Rola xwe rast bikin diyar
Îro derfetek zêrîne
Li me pîroz û mizgîne
Mixabin em bê serîne
Kar û xebat qelen xwîne
Li me pîroz û mizgîne
Mixabin em bê serîne
Kar û xebat qelen xwîne
Li vî xakî li vî warî
Çima îro bendewarî?
Divê em rajin vî barî
Çi hêsan bê çi dijwarî
Çima îro bendewarî?
Divê em rajin vî barî
Çi hêsan bê çi dijwarî
Ger bivin em bi rûmet bin
Ji xelkê em bê minet bin
Divêm bi hêz û himet bin
Bi pîlan û siyaset bin
Ji xelkê em bê minet bin
Divêm bi hêz û himet bin
Bi pîlan û siyaset bin
Heger ji min bawernekin
Rûpelê dîrokê vekin
Mînak û ezmûn gelekin
dîse gazinda ji xwekin
Rûpelê dîrokê vekin
Mînak û ezmûn gelekin
dîse gazinda ji xwekin
9/8/2012
Şîrove (0)