Bi hêvîra serxweşim ez
Di cengêda bi hêzim ez
Mixabin şêr bê rêberin
……………Çi xişm û bêtare hîro
Di cengêda pehlewanim
Gurçik ji pola ne hêsanim
Bawermendim bi rêzanim
Canfîdayê kurdistanim
…………….Lê xişm û bêtare hîro
Xişm û bêtar li nav meye
Li dinyayê wusa heye?
Şêr û piling li nav şerbin
Rovî li ser serê waye
…………….Loma ev bêtare hîro
Li Kobanî tiştek nema
Qîr û hawar li şûn xwe ma
Kavil bû em çûne sema
Wêran bû neçûye xema
……………..Boye ev bêtara hîro?
Filêketa vê kuştinê
Kî tawanê bi xwer tînê?
Bêtarîya komkujînê
Kî vê heyfê wê hilînê?
……………..Qey ev ne bêtare hîro?
Kom kujîna li kobanî
Nakevê nav bazirganî
Kengî Almaz dibê çanxil?
Hey bê qîret rûmet kanî?
……………. xişm û hem bêtare hîro
Kela berxwedanê ewe
Mêrga şehîdan tim ewe
Gula li nav baxçan ewe
Lê ê bê rûmet tim tuyî
………………xwînê dikî îpê hîro
Ev pîlan û hêlebazî
Ku tu dikî bi berazî
Ji bo kêye ceng u kuştin
Ger tu b,welat qet ne razî?
………………Rastîya xişmêye hîro
Ev lêhengin xwe dan kuştin
Deryak hêsir şûn xwe hîştin
Kezeb neman tev biriştin
Bi xwînê ax tev tê şiştin
……………….Zanî çi bêtare hîro?
Bazirganê xwînê milet
Bese idî ev mixenet
Pîlana ku te daye dû
Aşkere kir li te sûfet
………………Tawanê vê bêtarê hîro
Hezar şehîd bi rêdane
Kobanî kefenê wane
Erd û ezman bi halane
Şîn û girî û giryane
………………Kî xwedî bêtarê hîro?
27/6/2015
Şîrove (0)