Di roja şemiyê 17-10-2015an de li bajarê Dêrikê û bi beşdariya 76 endamên yekîtiyê ji 99an û bê amadebûna endamên şaxê herêma Kurdistanê ji bo hin sedemên teknîkî û di bin duruşma(pênûsa azad hêviya gel e)kongirê yekîtiya nivîskarên Kurdistana Sûrya yê awarte hat li darxistin.Bi rawestanek bê deng li ser giyanê pakrewnên Kurdistanê û azadiyê û piştî hilbijartina desteya serokatiyê ji kongir re, û bi gotinekê ku ji layê endamekî berê yê desteya birêvebir hat xwendin li ser rewşa yekîtiyê di dema bihûrî de û astengiyên ku bûne kelem li pêşiyê ta giha qûnaxa lidarxistina evî kongirê awarte ku tê de hat diyar kirin ku beşek ji nivîskaran bi sedema bercewendiyên xwe yên taybet ji yekîtiyê bi dûrketin,kongir destpêkir.
Ji ber giringiya peyvê û bandora wê li ser hiş û ramanên gelan û bi taybet di vê rewşa awarte de,rewşa şer û cenga ku welatê me tê re dibhûre ku bi vê sedemê civak bi rengekî rojane tê hêrivandin û di nav de rewşa kurdî ya lawaz û bi taybet diyarde ya koçberiyê ku roj bi roj dêmografiya Kurdistana Sûriya dixe metirsiyê de.Li vir rola pênûsa azad ji bo ronîkirina cih û demê giringe.
Li hamber vê rewşê kongir bi pirsyarî dest bikarê xwe kir û ji bo serkeftina kongir pêşniyar û helwestên endaman paşguh ne bûn û hatin guft û gokirin li gorî dema ji her xalekê re hatibû danîn û di encamê de biryarên rêxistinî û hilbijartî û giring ji bo pêvajoya qûnaxa werê re.
Piştî dan û sitandina li ser reşnivîsa tozika hundirîn û serastkirina hin xalan û li gor biryarên kongir hatin erêkirin.
Her weha kongir du biryar ji bo nav û logo yê yekîtiyê sitandin ku yek ji wan guhertina navê yekîtiyê ji yekîtiya nivîskarên kurd-sûrya bibe Yekîtiya nivîskarên Kurdistana Sûrya,û ya diwem guhertina logo.
Kongirê awarte yê serkeftî bang li her nivîskarekî xwedî pênûs kir ku tevlî Yekîtiya nivîskarên Kurdistana Sûrya bibe ji bo bibe alîkarê pêşxistina tore û wêje ya kurdî ,û di dawî de desteyek birêvebir hat hilbijartin ya ku endamên wê evin:
Ibrahîm Mela Qasim, Ehmed Sofî, Berzan Hisên, Torcîn Reşwanî, Cemal Mer`ê, Şivan Ibrahîm, Ebdulhekîm Ehmed, Ebdulsemed Mehmûd, Bextreş Koçer, Îsa Qasim, Luqman Yûsif, Mihemed Emîn Se`dûn, Mihmed Ebdê, Hêbet Me`mo, Wezna Hamid, Yûnis Hemê û vê deste yê civata xwe piştî bidawîbûna kongir lidarxist û tê de mamoste Wezna Hamid li şûna serokê berê mamoste Elî Cizîrî û herdû cîgirên wê mamoste Luqman Yûsif û Ebdulsemed Mehmûd hatin destnîşankirin,herweha di heman civatê de nivîsgihên desteya birêvebir hatin avakirin li gorî rêbaza hundirîn.
17-10-2015
Yekîtiya Nivîskarên Kurdistana Sûrya
