ku li ser her mijangeke yarê
helbesteke coşê bihûnim
her weha jî meraq dikim
li ser her peleke zêtûnê
nameya pakrewanekî…
nîgar bikim
Pir meraq dikim
li ser zimanê yarê
peyvan payî bikim
û li ser lêvên wê
maçan serxswş bikin
her weha jî…
pir meraq dikim
ku vê axê ji girî hêsayî bikim
û riyên koçberiyê
li nava deryayên xapînok…
bigerînim
Çendî meraq dikim
di çavên yarê de winda bibim
û di neynika çemê Efrînê de..
xwe û wê bibînim
Piiiir û pir meraq dikim
ku xewnên evînê
di hemêza yarê de hişyar bikim
û çendî meraq dikim
bi telbîsê axa welêt
hêviyên xwe geş bikim
Zoooor.. zor meraq dikim
awirên yarê
min dîîîîn… dîn bikin
û ez di dawa Kobanê de
têêêr.. têr bigerim
Ji meraqê pirtir meraq dikim
ku tenê şevekê
serê xwe dînim ser sîngê yarê
û guhdariya…
pêlên dilê wê bikim
belê…
û her weha jî meraq dikim
em bi hev re
ji gewriya Dicle
mistek av vexwin
Çendî meraq dikim
di xwîna her Kurdekî de
meraqa koçkirinê
bidim nişkekuştin
li hidurê welêt
û di reşika çavên yarê de
werim zîndankirin.
Efrîn: 30. 08. 2015:
Şîrove (0)