Vejîna KurdDi destpêka şoreşa Sûriyê de, jina Kurd jî wekî hemû jinên Sûriyê, ji bo azadiya gelê Kurd li rex mêran sekinî û dengê xwe bilind kir, ji ber wê jî gelek ji wan hatin girtin, binçavkrin û gelekan jî jiyana xwe ji dest dan. Lê tevlî wê jî, tucarî vîna wê lawaz nebû û ew ji ser riya tekoşînê venegerî, ew yek jî ji sinciya jina Kurd e.
Eger mirov rewşa jina Kurd di vê şoreşê de baş bişopîne, dê binase ku wê bandora xwe ya erênî li hemî aliyên civakê kiriye, ji ber ku ew ji erkên xwe yên civakî, aborî, perwerde, çandî û siyasî li paş nemaye. Di wan waran de, jina Kurd sazî û komele ava kirine, û li rex wê, her û her hewil dide, ku zarokên xwe ji windakirinê biparêze.
Belê; di eniyên şer de jî, jina Kurd bi rola xwe ya welatparêzî û netwî radibe, ew jî, ligel mêr rûpelên dîrokî ji berevanî, lehengî û pêdariyê dinivisîne, û ew li seranserî cîhanê wek nimûneyeke dîrokî ji hemû jinên cîhanê re tê binavkirin.
Ma gelo destane û lehengiya pakrewna azadiyê Arîn Mîrkan ya ku li Kobaniya berxwedanê hate nûsandin tê ji bîrkirin? Birastî; kar û xebata ku îro jina Kurd dike, ew tê wateya têgihîştin û asta bilind ji welatparêzî û netewperwriyê.
Rast û durust e; ji berê de bav û kalên me gotine: Şêr şêr e, çi jin çi mêr e!!.
