Sernavên welat tev guhartin.
Dijmin lê man, em jî derketin.
Hin kuştin,û hin jî çûne dor
Revîn ji êşkence,zilm û zor
Rêber dest nekir ji perên pel
Moral şikestîn,serî kurda
Ji bor kursiya zêr -lê bima
Dijmin kirin nav bajar û gund
Li warê me xwend pepûk û kund
Ji bo bes bimîne sikreter
Lê nirxa wî maye,nirxa ker
Sînga xorta dane ber tiving
Ewna revîne mîna çar ling
Li kampa em bûne penaber
Di av û deryaya hatin der
Serekên me bi navê milet
Radizîn li hotêlên cinet
Perîşan mane bê mal û war
Tazî û birçî li ber dîwar
Lawên te tev mane şerpezer
Ji hev cuda bûne birader
Nemaye li jîna me serbest
Doza welat tev maye bindest
Di va serdemê de mane gêj
Kurdû bisoje rêça qirêj.
Fêrbibe dîroka bi dilsoz
Dê were rabe wekî bahoz
Yek cara rake şûrê rustem
Dûvê dijmin jêke li herdem
Wek bûka rûne ser mala xwe
Welat bernede ji destê xwe
Dest bedre ji qelsî û firtok
Namîne van nûker û cahşok
Dilîzin bi te wek şetranc
Dijmin maye ser pişta kurmanc
Bûn du rêz wek kevirê nerdî
Bi ceng û şerê dijî hevdî
Yek bûye bo dijmin rêçber
Ya din jî ji welat hate der
Gel daxistin ber aşê xwînê
Kes nema azadiyê bînê
Di nav teda çandin nefret
Me kir karê dijmin bê bext
Dilê zarokan kirin dilsoj
Nema ye dilşad li pêşeroj
Li roj ava tu mayî bê deng
Sîper wê werê bi şer û ceng
Wekî birûska qîr û hawar
Sernavên dijmin bike ar
Rabe serxwe ey Lawên kurda
Dîroka xwe dîne wek merda
Wekî min,Sîper bike xebat
Ji ban hatim rêzgarê welat
Şîrove (0)