Senar (Mûsa Qulîkî Mîlan)
Xatirxwastin ji Efrînê
Wek ya Mem û Siyabend e
Ku li dû Zînê û Xecê
Bi tîra jan û hesretan
Kezeba wan tê hingaftin!
Xatirxwastin ji Efrînê
Wek ya Mem û Siyabend e
Ku li dû Zînê û Xecê
Bi tîra jan û hesretan
Kezeba wan tê hingaftin!
Malavayî ji Efrînê
Wek nêrgizên sêwiyan in
Ku landika dilgiran da
Bi hezar lava û daxwaz
Pey dê, bavan têne hîştin!
Wek nêrgizên sêwiyan in
Ku landika dilgiran da
Bi hezar lava û daxwaz
Pey dê, bavan têne hîştin!
Xatirxwazî ji zeytûnan
Mîna poşiya giyan e
Ku li ser darên diriyan
Bi destê Zambiyên xwînrêj
Kaş bibe, ware daxistin!
Malavayî ji Efrînê
Wek birînkûran dimîne
Ku riman defa sîngê wan
Bi xedarî hingaftibin
Ser da derbe bên lêxistin!
Xatirxwastin ji Efrînê
Wek wan dê, bavan dimîne
Ku merxa xortê desthine
Goristanê da biçînin
Û bi meraq bên derxistin!…
Gava xatir ha dijwar e
Divê em pir hêvîdar bin
Bi destê şêr û şepalan
Dê azad bibe Qudsa wan
Hov ê jî bêne şikestin.
19/03/2018
Şîrove (0)