Kûvî li makê di banin

Di berbanga tirsê re
Sahwa rûreşan
bihna mûyên kevilan
Gurmîna birûskên hovîtiyê

Hêlîn lerizîn
Kerpîçên starê hilweşandin
Rê li pêşiya xoşviyan berze bîn
Şabîna hevdîtinê xatir xwest
Sirê şaxên xwe berdan
Nalînên piçûkan çadir vegirtin
Hawarên bêzaran bê çare xetimîn
Hîviyên kaziyan di paş de nîvişkan bîn
Ciwanmêran di kozikan de malxwêtî li xwe girtin
Dengvedan bî bersiva xwedanan
Feryadên bêy waran
Hewldana vemirandina agirê kurdîtiyê
Ǜ temisandina giyanê berxwedanê
di dilê birayan de cih vekirin
Tengedelîv pûnijîn peyman afirandin

Rondikan bêy darbest kuştî şûştin
Kincên bi xwînê kevizîn bîn kefen
Loriyên şînê
Kederên mirovayê ji pişt sînoran
li ser nasnameya me ya wenda di xwînin
Biyanî hembêzên xwe
ji birînên penaberan re vedikin  
Çiyayên bilindin ji sipartinê re dibin hêzin
 
Di kûvîtiyê de li axa xwe di banin
Çavên şil ji mereqên kombûnê kul dibin
Li yek agirdadanê di jenin
Bi dildariya kurdistanê hêmin dibin.