Dr. Kamiran Haj Abdo*Ji zû de ye, em kurd bi gelek babetan têne MIJÛLKIRIN. Bê guman ev yeka ne ji xwe berê ye. Ew ji bo wê yekê ye ku em doza xwe ya sereke, doza xwe ya netewî û kêşêya xwe ya niştîmanî ji bîr bikin û bi tiştine tenişt re mijûl bibin. Bi vî rengî jî barê rêjîma totalîter û xwînrêj dê siviktir bibe, gava 3-4 milyon kurd berê xwe ji doza xwe ya netewî (kurdî-sûrî) û ya niştîmanî (sûrî) bidin yal…
Ev demek e tê gotin: Dewleta Îslamî ya Îraq û Şamê (DAÎŞ) filan herêma kurdî dorpêç dike, bêvan herêma kurdî jî dike armanc…
DAÎŞ kurdan dikuje… YPG herêmên kurdî diparêze… Divê em xwe biparêzin… Divê em tev bibin YPG… Filan hêza kurdistanî xendekan dikole… em tên dorpêçkirin… Divê em wan xendeka bixetimînin… Filankes terorist e, divê bête girtin û bidûrxistin… Em li der sînor mane, nahêlin em vegerin welêt… emê vegerin, bi çi temenî dibe, bila bibe… Filankes hate kuştin, bêvan hate mişextkirin… Zagona partiyan derket… Yasaya hilbijartina derdikeve… û hwd.
Gelo çima em çera doza xwe ya netewî nabin, doza gelê kurd li Sûriyê. Ev doza ku em hemû partî – xwadêgiravî – ji bo wê hatine damezrandin?! Gelo çima em ji zû de nema çera rewşa welatê xwe Sûriyê dibin, çêra şoreşa wê û şerê navxweyî nabin… Çima em çêra awayê çareserkirina kêşeya Sûriyê nabin… Çima em bi wê yekê mijûl nabin, çawa em kari bin welatê xwe Sûriyê ji vê dojehê rizgar bikin û ligel hevparên xwe yên ereb û siryan-aşûrî hewil bidin ku welatekî demokrat – îro berî sibede – ava bikin, ku tê de hemû mirov û pêkhateyên netewî û olî azad û wekhev bin?!
Îro divê ji me kurdan re KURDAYETÎ û SÛRIYA DEMOKRAT di ser hertiştekî din re bin. Gelo ma hebûna partî û rêxistinên kurd serûber ne JI BONA SÛRIYEKE DEMOKRAT Û BIDESTXISTINA MAFÊN GELÊ KURD LI SÛRIYÊ YE?! Ma mirov dikare – bi çi buhaneyê dibe, bila bibe – sedem û egera hebûna xwe ji bîr bike û wê ji xwe re herdem neke navnîşana xebat û têkoşîna xwe?!
Kurdo, were em bi hev re ji bo doza xwe ya navendî, doza kurdên Kurdistna Sûriyê û doza Sûriyê bi giştî bixebitin…
Gelo çima em çera doza xwe ya netewî nabin, doza gelê kurd li Sûriyê. Ev doza ku em hemû partî – xwadêgiravî – ji bo wê hatine damezrandin?! Gelo çima em ji zû de nema çera rewşa welatê xwe Sûriyê dibin, çêra şoreşa wê û şerê navxweyî nabin… Çima em çêra awayê çareserkirina kêşeya Sûriyê nabin… Çima em bi wê yekê mijûl nabin, çawa em kari bin welatê xwe Sûriyê ji vê dojehê rizgar bikin û ligel hevparên xwe yên ereb û siryan-aşûrî hewil bidin ku welatekî demokrat – îro berî sibede – ava bikin, ku tê de hemû mirov û pêkhateyên netewî û olî azad û wekhev bin?!
Îro divê ji me kurdan re KURDAYETÎ û SÛRIYA DEMOKRAT di ser hertiştekî din re bin. Gelo ma hebûna partî û rêxistinên kurd serûber ne JI BONA SÛRIYEKE DEMOKRAT Û BIDESTXISTINA MAFÊN GELÊ KURD LI SÛRIYÊ YE?! Ma mirov dikare – bi çi buhaneyê dibe, bila bibe – sedem û egera hebûna xwe ji bîr bike û wê ji xwe re herdem neke navnîşana xebat û têkoşîna xwe?!
Kurdo, were em bi hev re ji bo doza xwe ya navendî, doza kurdên Kurdistna Sûriyê û doza Sûriyê bi giştî bixebitin…
Bijî KURDAYETÎ berî hertiştekî din… Xebat bona SÛRIYEKE DEMOKRAT, PIRLAYANE Û NENAVEND
* Endamê Serkirdayetiya Partiya Yekitî ya Demokrat a Kurd li Sûriyê
